الجنس: انثى
العمر:18
الحالة الاجتماعية:عازبة
الحالة الدينية:جيدة
المهنة:طالبة
وقت الرؤيا:قبل يوم قبل صلاة الظهر بقليل
السلام عليكم ورحمة الله
سأعرض الرؤيا واتمنى ان أجد تفسيرا لها علما بأن الجمل التي بين القوسين يعني انه في الوقت الحاضر وخارج الرؤيا
كنا جالسين في قريتنا(مو سكانين فيها بس نزورها في الاجازة احيانا) أنا وأخواتي اثنين منهم واخويه الصغير وبعدين خرجنا من البيت عل أساس نروح لبيت زوجة جدي من أمي وكان الطريق ظلام صرنا ناخذ الجوالات علشان ننور الطريق لمن قربنا من البيت بدأ النور يطلع لكثرة الضوء المفتوح في البيت وكان هناك أولاد صغار من اقربائنا تقريبا أعمارهم 12 و 11 زي عمر أخويه الصغير كانو في حديقة البيت يلعبوا كانو كثير ولمن شافوا اخويه الصغير فرحوا ونادوه عندهم,ولمن كنا رح ندخل البيت استقبلتنا من عند الباب زوجة جدي وقالت أختي الكبيرة الي كانت معانا أنا مارح أطالع فيها,,<<كان قصدها بهذي الكلمة انو اكيد زوجة جدي ما تبغانا نيجي بيتها ونوسخه(لأنها حرمة كبيرة في السن)أنا لمن قالت اختي كذا جلست أضحك وكان فيه منديل على الأرض شلته وبعدين دخلنا البيت أنا وأخواتي الثنتين واخويه راح مع الأولاد ولمن دخلنا كان فيه غرفة فيها حريم من اقربائنا يعني نعرفهم,أخواتي الي دخلوا معايه كانوا يمشوا قدامي ويسلموا على الحريم وانا وراهم,أول وحدة سلمت عليها كان قدامها طفل صغير لسى رضيع كان راسه اكبر من جسمه,وشعره كان أسود كثيف,هاذي الحرمة سلمت علي بحرارة ولمن جيت رايحه مسكتني مع يدي وقالت ما تبغي تسلمي على القمر الي هنا؟ وكانت تأشر على الطفل الرضيع وبعدين أنا لمن شفت الطفل قلت ما شاء الله يجنن هوا ولد ولا بنت؟ ردت على جوابي بس ما سمعتها ولمن ردت علي كان موعاجبها الوضع انو انا ماأعرف اذا هوا ولد ولا بنت, بعدين قلتلها هذا طفل ناديه صح؟(ناديه مو متزوجة مخطوبة بس) قالت:ايوه,المهم رحت للي جنبها الي كانت أم زوج أختي باستني على خدي أكثر من عشرين مرة والناس مستغربين من حركتها وفي الوقت الي كنت أسلم عليها لفيت وجهي للجهة الثانية اكتشفت انو فيه 3 بنات مشيت من جنبهم وما سلمت عليهم لأني ما شفتهم ومن ضمنهم أخت زوج أختي الي هيا بنت الحرمة الي أسلم عليها,في نفس الوقت الي أمها جالسه تسلم علي كنت أطالع في وجهها وهيا كانت تسوي لي حركات بوجهها زي حركات الحقد والكراهية وتحرك فمها كأنها معصبة مني,لمن سلمت على أمها رجعت لها وعلى طول هيا ابتسمت وفرحت ووقفت أنا في هاذي اللحظة قلت في نفسي تبغى تسوي نفسها قدام الناس انها تحبني,وبعدين في الوقت الي كنت اسلم عليها كانت ماسكه يدي بقوة وضاغطة عليها وأنا أسحب يدي علشان أسلم على الي بعدها وهي تسحب يدي جالسه أقول في نفسي اكيد في يدها شي (العائلة هاذي سحرت أختي الي هيا زوجة ولدهم وخالتي كمان سحروها) لمن سلمت عليها هيا اسمها عبير طالعت في يدها لقيت قرآن صغير مشبكته في يدها يعني صارت تضغط القرآن على يدي,كانو جنب عبير بنتين برضو ماسلمت عليهم لأني ما شفتهم كانوا يطالعوا فيها بحقد كمان وماوقفوا علشان يسلموا كانوا جالسين قمت أنا صافحتهم,بعدين رحت كملت السلام على الحريم لقيت زوجة جدي من ابويه مشبكه يدينها وتطالع في الأرض كان باين عليها حزينة سلمت عليها وهيا جالسه وكان جنبها حرمه معاها طفل ماعرفها سلمت عليها,لمن خلصت من السلام جلست شويه وبعدين قمت أغسل يدي علشان الأكل ولمن وقفت عند المغسلة علشان اغسل طالعت من المراية ولقيت أخت عبير لابسه اسود وأبيض جالسه على الكنب وجنبها البنت الي كانت جالسه جنب عبير الي كانت حاقده علي وماقامت تسلم,المهم لمن وصلت الغرفة الي سلمت فيها على الحريم لقيت جنبها غرفة مفتوحة فيها أكل دسم ايدامات ومحاشي وفيها أمي وأختي الي هيا أكبر أخواتي وزوجة خالي(خطبت اختي الي في الغرفة الثانية لولدها) وحريم تقريبا عددهم 4 والغرفة الي جلست فيها أول مره كان فيها معجنات وحلى وكمان فيها وحده من اخواتي الي جات معايه من البيت الكبيره وبرضو فيها حريم تقريبا 4,احترت وين ادخل بس في النهاية قررت أدخل غرفة الأكل الدسم وجلست بين أمي واختي الكبيرة وبدأت آكل وبكذا خلص الحلم
آآسفه طولت عليكم
