الشوفة والبروفة العرس والحواجب

السلام عليكم
انا آنسة عمري 24 سنة آخر كورس تخرج مسحورة سحر تعطيل زواج وصرف وتفريق بيني وبين اهلي
اليوم انا قريت سورة البقرة وصليت الفجر وقريت الاذكار ونمت تقريبا ع الساعه 7 وقعدت من النوم ع الساعه 1 وشيوحلمت هالحلم هو غريب وقمت منه خايفه شوي لكن محتاره وايد
حلمت كانا كنا في بيتنا القديم (تكررت الرؤياي فيه وقالولي لأنه مكان السحر) وكنت انا واختي وامي وكنا في غرفتي انا واختي وكنت يالسه افتش في الخزاين بالغرفه كانت لأختي في الواقع لكن لما كنت افتشها لقيت وايد اشياء الكتروني تابعية للاب توب (كمبيوتر محمول) لونها بنفسجي حلو سماعات وماوس وغريه كثير كنت اشوفهم واقول في بالي وايد حلوين وراقين عقب قعدت فيه مكتب او طاولة واكرسي (في الواقع مافيها الغرفة مكتب ولا طاوله) جاتني اختي الكبيرة (بيني وبينها خلاف اغلب الوقت وحاليا انا اسايرها واخدمها علشان آمن ع نفسي من شرها وغالبا مافي فايده) جاتني وكانت كانها تبغي تعطيني شي كانه لاب توب مالها وبعدين انا قلتلها لا انا عني الطقم اللاب توب مالي شوفيه داخل الخزاين وكانها راحت وجابتلي ياه وامي كانت تقولي ماتبغين لاب توب اختج؟ وانا قلت ابغي مالي في الحلم كنت مستغربة وايد لأنه اختي كانت تخدمني وتعطيني (في الواقع انا الي اخدمها وامي دايم تضغط عليه علشان اخدم اختي) عقب انا فرحت وقلت في بالي واخيرا تعدل حالتي ولقيت حد يرزني بس كانهم كانوا يعاملوني زين ويخدموني لأني بتزوج وايحد رزة له مكانه وبعدها مااعرف شو صار حسيت نفسي في صاله كبير بيت غير مالوف وكانت موجوده الكوافيرة وهي نفسها خبيرة التجمل وكنت لابسة فستان اوف وايت (ابيض ع بيج) وكنت طويلة بالحلم وكانت الكوافيرة تذلني وكل شو تهدد انها ماراح تسويلي شي وانا كنت متضايقه شوي وماراضية عن خطيبي عبدالله (هو في واحد اسمه عبدالله حرمه استاذنت ابوي اني ترشحني له علشان يزوجني بس بعده ماصار شي ونحن مانعرف عنهم شي) وانا كنت افكر ليش انا مااخذ واحد ثاني الي انا احبه بيحبني وبيدلعني وكنت اقول في نفسي حرام اخرب ع نفسي (هو انا في شخص ثاني في حياتي احبه بس حب عذري مافي بينا اي شي الحمدلله وانا احس انه من المستحيلات يتزوجني مع اني كلمته عن موضوع الزواج وحسيت منه بقبول لكن في وايد اشياء تمنعه اولها هويته مايريد يصارحني فيها وانا اعرف من هو وتقريبا متاكده 95% بس اخاف اقوله علشان مااخسره) بعدها كانه بنت عمي نورة جات وكانت مستغربه اني اكشخ واتعدل عقب الكوافيرة قالتها مش علشان العرس هاي بس بروفه علشان يشوفونها قصدها العريس وامي انا وبعدها خلصت الشعر والميك اب وعطتني منظرة اشوف شكلي ولمحت شكلي بسرعه وشفت انها ملصقة الحواجب التركيب وحده منهم كانها اليمين بالعكس (هو انا اول مره بحياتي اعرف انه في حواجب تركيب) وخبرتها وكانت تقول حق حرمة خالي الله يرحمه وكانت تضحك وتقولها لصقت حواجبها غلط انا ماعجبتني تسريحه الشعر حسيتها قديمه لكن مااهتميت كنت حاطه في بالي انه احسن علشان مااعجب عبدالله ويكنسل وعقب شفت نفسي لابسه العباية والشيله وطلعت وشفت خالتي (من بحرين) وسالتني لو خلصت كانت تبغي تتطمن كل شي اوكيه وعقب طلعنا وفي مدخل البيت كانت خدامتنا (الي انا اوكيه معاها مش الساحرة الحمدلله) وكانها راحت تشل اغراض بيت عمي ع اساس كانو بينتقلون تساعدهم وانا اتضايقت وكنت اتحرطم وشفت عمي وبنته نورة واخوها كنت اتحرطم واقول هاي وقتها (قصدي ع الخادمة) وقتها تعرض خداماتها الحين انا روحي خايفه ع تسريحه شعري تخترب عمي سمعني وحسيته ماعجبه كلامي لأنها تساعدهم عقب كان في غرفة كم طابق فيها مثل اللفت الكهرباءي (الاصنصير) واذكر ولد عمي كان يتحرك فيه بقوة لدرجه انه سقفه كانه تكسر وعمي واخته كانو يضحكون وانا مستغربة وعقب ع اساس اني اطلع معاهم ودخلنا في الغرفه ع اساس نسير بالاصنصير فوق (وانا في الحلم استغربت انه في طابق فوقي/علوي لأنه نحن كانه في الأرض ومافي طابق فوقنا) المهم دخلنا ولد عمي دخل وكان ضيق المكان وحتى انا ونورة حسينا بصعوبة وضيق وانا خفت ع سلامتي يصير لي شي لأني ماكنت داخله زين في الاصنصير من كثر ضيق المكان وكنت منقهرة ع كشختيواتلاشياء الي تصيرلي لأني كنت ابغي اخلص موضوع الشوفه وكنت مستغربه من نفسي اني رحت معاهم ليش؟ المهم وصلنا بكل سهولة ويسر للطابق وانا استغربت انه ماصار فينا شي وبعدها طلعنا ومشينا لين سيارة السائق مالهم ع اساس هم بيوصلوني (السيارة غير مالوفه واخوها هو يسوق ومايروح مع السايق الا نادر) المهم ركبت السيارة وجلست جنب نورة وكنت اشوفها ماسكه جهاز في يدها وكانت تكتب فيه وكانت اشوف فيه مثل خط مسير في حقايق عن الي بيصير وكنت اشوف الجهاز واشوف نورة واقول في نفسي لازم اخبرها عقب تنازلت وسكت هي كتبت انهم دايما لما يركبون السيارة يتكلمون عن حمدوه (حمده اختهم الصغيرة) وهي ع اساس بتشتري حق حمده بيت العاب او بيت حلويات مااذكر بس كانت نفسيتها مرتاحه لما تتكلم لكن انا لا كنت متوترة من الحقايق الي اشوفها ع الشاشة في خط المسير . شفت انه حمده بيصير لها شي مب زين مااعرف شو هو بعدها شفت كلمة (طمث) يعني بتبلغ واشياء ثانية مااذكرها فجاه حسيت انه كل شي تغير وشفت نفسي في السيارة مع شخصين انا في الخلف مع واحد والثاني قاعد بجانب السايق (الاثنين لابسين قميص وابنطلون مش كنادير)، الي قاعد بجانب السائق ع اساس انه خطيبي او زوجي (مااعرفه شكله كانه ممثل اجنبي) والثاني الي قاعد جنبي اخوه المهم انه اخوه كان يراويني شي من فونه (تلفونه/ موبايله) بعدين خطيبي عصب قاله عيب عليك هاي حرمتي وانت تغازلها جدامي وانا كنت ساكته ومستغربة وخلص الحلم
يرجى تفسيره بارك الله فيك استاذ عادل

هل أنت متوترة بسبب الخطبة؟ هل بدأت أخواتك يتقربون منك ويعطونك أسرارهم؟

هل أنت متوترة بسبب الخطبة؟
لا انا لست متوترة لأنه ماصار شي اصلا وكله كلام في كلام وان شاءالله ربي يسر الي في الخير هو الحرمه كلمت ابي تستاذنه انها تكلم الريال عني لأنه يثق فيها وهي اختارتني له


هل بدأت أخواتك يتقربون منك ويعطونك أسرارهم؟
اخواتي لأ.. واختي الصغرى زادت عداوتها بشكل كبير لكن اخي الي اصغر مني عطاني سره


وفي انتظار التفسير جزاك الله خير

خيراً رأيت وشراً كفيت

إن صدقت رؤياك ففيها والله أعلم ما يدل على أنك ستعرفين أسرار أخواتك وربما بعضهم يعطيك أسراره الخاصة (الاب توب) وفيها أيضاً ما يدل على الخاطبة التي تحاول التوفيق بينك وبين الرجل الخاطب ( تركيب الحواجب لأن الكوفيره تزين أمور النساء) ولعل الأمر يتسهل بإذن الله ويوفق الله بينكم (الاصنصير) وفيها ما يدل على أن نورة تنقل الأسرار ولا تخفي شيئاً, وربما تجدين في صفات الخاطب الحرص.

والله أعلم بالحق والصواب

جزاك الله خير

اسال الله العظيم ارن يرزقك الجنة وويفتح لك ابواب الرحمة والرزق في الدنيا<<<اللهم آمين

السلام عليكم



هلا استاذ عادل



ابشرك جا الريال وشفته وكنت متوترة وخايفه بس اول ماشفته ارتحت له سبحان الله والله عجبني مع انه عكس عن كل المطالب الي ابغيها بزوج المستقبل واهله ناس طيبين



بس بغيت اقوك شي انا امس قبل ماانام استخرت ومن استخرت حسيت باحساس غريب مااعرف كيف اوصفله يعني قلبي يدق وكانه في بطني فانتي شورايك انا كلمت مطوع وقالي اتركي عنج الاوهام ودام الريال صالح وانتوا سائلين عنه اتوكلي على الله ولا لاتنسي حديث الرسول صلى الله عليه وسلم: اذا جاءكم من ترضون دينه وخلقه فزوجوه.... وربي يوفقج



بس المشكله هم للاحين ماردوا علينا هو قال حق امه لحد الآن موافق ع كل شي بس بستخير وانا حيل خايفة ومتوترة وابغيهم يردون باسرع وقت علشان اطمن



بسالك سؤالين: الأول: شو تفسيرك لاحساسي بعد صلاة الاستخارة؟ الثاني: هل تتوقع انه عبدالله يكون من نصيبي؟ يعني من احلامي ومن كل الي قلتلك عنه



ادعيلي الله يلين قلبه ويريحه تجاهي



والله يوفقك ويسهل لك كل امورك يارب



اللهم آمين

لا حظي في تفسير الرؤيا أنني قلت لك أن من صفات خطيبك (الحرص) فهو موافق في البداية ولكنه قال سأستخير ولعله يكون من نصيبك أما عن مسألة التوتر والقلق بعد الاستخارة وحرصك على معرفة الرد فهو لأن الزواج أمر مهم وفي من تقدم لك صفات معينة أعجبتك, فلعل الله يوفق بينكما. والله أعلم.

جزاك الله خير والله يبشرك بالخير يارب عاجلا غير آجل

اللهم آمين