حلمي بالاستاذ عادل والخادمة الساحرة وحج جدتي

السلام عليكم
وطبعا انا آنسة ، 24 سنة اخر كورس تخرج ، صلتي بربي جيد جدا الحمدلله
حلمت اليوم عن الخدامة الساحرة اذكر انه نورة جاتني وتكلمني في بيتنا الجديد الي بعناه الي انبنى على البيت القديم (الي من احلامي يوقلون لي أن فيه سحر) ودخلت غرفتي وانا كنت افكر في نفسي واقول صدق الاستاذ عادل وماكذب –مفسر احلام_ لما قالي انه نورة بتيجي وتبغي تعرف شو اسراري وجات كانت ماسكة كانه كتاب او دفتر وتشوفني وتقولي انا بس بسالج شي ابغي اتاكد الكل يتكلم عن الموضوع تميت اشوفها بنظرات استغراب واذكر اني كنت قاعدة ع السرير وكاشخه وكنت حلوة وفتحت معاي موضوع انه الخدامه ساحرة ولا لأ؟ قلتلها هيه ساحرة ارتحتي بس انتي مين خبراج وكنت في الحلم متخوفه والوم نفسي لأني قلتلها لأنه استاذ عادل نصحني اني مااتكلم بالموضوع ولا اعطيها اسراري وبعدها كنا مجتمعين في بيتتنا الآجار (الي بعد ما بعنا بيتنا الجديد سكنا فيه) انا وبنات عمي وكله خالاتي وجدتي من بحرين كانوا موجودين واخوي عبدالرحمن كان موجود بعد وامي واذكر كانه عبدالرحمن كلم بنت عمي الوسطية وقالها عن انه خدامتنا ساحرة واول ماشافتني بنت عمي قالتلي انا اعرف انها ساحرة وانا كنت خايفة واشوفها مستغربة واقول في نفسي شكلها المشاكل بتصير لي مرة ثانية والخدامة جات عند اسراء وتتحاور معاها تقول ماحصلوا غير كتاب واحد وانا كنت واقفة بينهم واصارخ على اسراء واقولها اسكتي بتسويلي وايد مشاكل وكنت متخوفة انه اهلي يقولولي انتي نقلتي الكلام وتصير لي نفس ذيك المشكلة والخدامه كانت تشوفني وتقولي انها تبغي تتكلم وبعدها امي كانت تكلم خالاتي الثنتين المتزوجات وتقولهم انه جدتي بتسافر الحج وانه امي تبغي تسفر الخدامه الساحرة معاها قالتها في الحلم امي اعترفت انها ساحرة ووانا من سمعت هالكلام جاتني حالة نفسية كنت اصارخ وابكي مثل المجنونة لأني خفت ع جدتي منها ورحت عند خالاتي اتراجهم اقولهم الله يخليكم انا اترجاكم هذي ساحرة صدقوني لأ والله ماتروح انا اخاف ع جدتي وكنت جالسة عند رجولهم واترجاهم وها كله كان جدام باب الخروج من البيت في الصالة وبعدها اتذكرت انه ماحد يقدر عليهم غير خالتي هي تقربيا في عمرنا ومش متزوجه دخلت عند الكراسي ادورها اول مالقيتها كلمتها ومااذكر لو انهم اقتنعوا او لآ بس خالتي الي من بحرين الطيبة كانها غمزتلي وانها تعرف ومصدقتني وقمت من النوم
يرجى تفسير الحلم بارك الله فيك

هل فعلاً جدتك تنوي الحج؟ هل أهلك بدأوا في التفكير بحال الخدامة وأثرها عليكم؟

هل فعلاً جدتك تنوي الحج؟
لا اظن ذلك لأنه بالقريب عملت عملية عيون ولم تشفى منها الا لآن في طور العلاج

هل أهلك بدأوا في التفكير بحال الخدامة وأثرها عليكم؟
آآآ× الشكوى لله لااعرف اي شيئ عنهم غير انني شاكه بشكل كبير بانهم اتجهوا لساحر وقد سمعة صدفة انه الأسبوع القادم ننتظر مفاجئة الله يستر شكلها مصيبة هو انا من احلامي انت بشرتني بقرب شفائي مع عوده خالي من السفر زكنت متفائلة جدا الى ان سمعت والدتي تكلم اخي فشككت بالموضوع والا الآن يعتقدون انها برئية وقد سالوا الساحر عنها فننفى التهمة طبعا وهل يعترف الساحر على ساحر؟!

خيراً رأيت وشراً كفيت

إن صدقت رؤياك فهي والله أعلم تدل على محاولة نورة معرفة أسرارك ولكن عليك بالحفاظ على أسرارك الخاصة, وفيها ما يدل على ظهور ما يخفى عليك وعلى أهلك وسيتحقق المقصود بكشف الساحرة بعد جهدك وتعبك لإثبات السحر على الخادمة, وأهلك لديهم خبر واحد عنها ويحتاجون للتأكد (كتاب واحد), وسترين من خالتك ما يسرك ويسعدك.

والله أعلم بالحق والصواب

جزاك الله خير

والله كنت توني ابكي واحاتي تفسير الحلم خفت وايد بس انت طمنتني وبشرتني الله يبشرك بالخير والجنة يارب