افيدوني في رؤيتي جزاكم الله خير

بسم الله الرحمن الرحيم ..

لا إله إلا الله وحده لا شريك له له الملك وله الحمد وهو على كل شي قدير

السلام عليكم ورحمة الله وبركاته


انا بنت عمري 18 حالتي الاجتماعيه عزباء .. حلمت اننا كنا مجتمعين انا وامي واختي الصغيره عمرها عشر سنين وعمتي معنا في بيت جدتي ام ابوي وكنا انا
واختي الصغيره جالسين بجنب بعض ونسولف ونضحك عادي , والمح عمتي تطالع فيني بنظرات عجيبه (( عمتي بشرتها في الحقيقه سمرا )) بس في الحلم
سمرا بزياده مايله لسواد , شوي وهي تطالع فيني مدت لنا علبة خواتم كلها الخواتم اللي فيها ذهبيه , كأنها تبيعها , وانا اخذت العلبه واخترت لي خاتم غريب مو دائري
نفس شكل الخواتم المعروف لا هذا شكله مربع ولبسته بيدي اليسار في اصبعي البنصر , واخذت عمتي العلبه ورجعنا نكمل سواليف انا وامي , شوي تقوم
عمتي تصلح عباتها بتمشي ورحنا كلنا معها عند الباب بنودعها وانا سالتها بكم الخاتم وهي عفست وجهها كأنها ماتبغى تعلمني بالسعر , وانا اصريت عليها
الا تعلمني وقالت لي انه بـ 15 ريال ورحت انا اخذت الفلوس من امي وفجأه ينزل مطر ومدري كيف جات مويته على الخاتم اللي بيدي لابسته اخذته من عمتي
, ويتغير لونه من ذهبي لرصاصي .

ملاحظه (( عمتي هذي خاطبتني لولدها من سنه وكم شهر وللحين بس كلام ماصار شي رسمي ))




افيدوني انا بهم وحيره مايعلم فيها الا رب العباد
الله يفرج كربكم ويجلي كل همومكم ياربي ولا يجعل الضيق والحيره تعرف لكم طريق ياقادر ياكريم