مرحبا شيخ
أنا إمرأة مطلقة منذ 7 سنوات تقريبا و عندي بنت بعمر طلاقي و عمري 33 سنة , مسلمة ,و أعمل بشكل مؤقت في مدرسة بنتي(إدارية)
أحلامي كثيرة .. و تعبتك معاي
أنا حالمة هالحلم أمس
شفت حالي مرتبكة و خايفة إني أدخل في إمتحان التوفل..حتى أكمل ماجستير.. لأني حاسه إنه بيكون صعب علي.. لأنه باللغة الإنجليزية و كمان هالبلد صعب تقبل ناس من برا يدخلو الجامعة و يدرسو. و كنت أحس إن الإمتحان بيكون عبر النت.
فجأة ألاقي حالي دخلت الإمتحان.. و عندي ورقة أو رقتين.. يشبهو تعبئة بيانات..-يعني ما طلع عالنت هالإمتحان- و كنت مستغربة إن هذا هو الإمتحان. و حاسة إنه كان سهل علي. و كنت فرحانه.
و بعدها ألاقي حالي رحت المدرسة للدوام.. و دخلت مكتب السكرتيرة حتى أقدر أفتح إيميلي.. و لقيت فيه رسائل كثيرة لونها أصفر يعني ما قرأتها.. و فجأة ألاقي نفسي طايرة من الفرحة.. لأني نجحت فالإمتحان. و كنت بخبر صديقاتي..لكني تذكرت إنهم عندهم خبر بنجاحي و قبولي حتى أكمل ماجستير( أنا فالواقع ..كذبت على صديقاتي العام الماضي و قلتلهم إني مسافرة للدراسة..و إنهم قبلوني.. فما يصير أرجع أخبرهم إنهم وافقو ألحين و خصوصا إني أصلا رايحة للعمل هناك بس محد يدري غير كم وحده..) المهم نرجع للحلم. بعد ما فرحت .. لقيت حالي في بيت جديد و أمي مع بنتي تلاعبها في أحد الغرف و أختي بغرفتها ترتبها و أنا في الصالة أشوف شو إللي يلزم حتى أسويه.. و أبوي خرج.
فجأة شفت شخص غريب قاعد فالمجلس..يمني و لابس لبس يمني و معاه خنجر... قلت له: أخرج برا. قال : لأ .. أنا هنا حتى أحميك. عصبت منه .. وقلت له : أنا ما أحتاج حمايتك.. قال: أنا إللي بحميك. عصبت أكثر و حسيت إنه موجود حتى يسيطر علي و يتحكم فحياتي. فرحت لأختي و خبرتها.. قالت لي قولي له يطلع و بيطلع و إنتهى الموضوع. و أنا إستغربت لعدم إهتمامها. فرحت لأمي و خبرتها. قالتلي دبري حالك معاه و خالليه يطلع. كمان إستغربت إنها مو مهتمة. رحت لعنده و أنا معصبة و لقيته قاعد في غرفة الطعام. قلت له : إطلع برا أنا ما أحتاج مساعدتك ولا حمايتك. قال لأ أنا هنا حتى أحميك. رديت عليه بالفصيح: I'm Canadian إطلع برا أنا دولة تحميني و ما أحتاج حمايتك أبدا. زعل و عصب كثييييييييييييير و قال لي : إنت كندية صرتي كندية. و طلع من البيت. بعد فترة قصير أبوي جاء من برا و معاه أكياس .. فواكه و خضار. و خبرته بإللي صار. قاللي زين إنه طلع.. خلصنا و إفتكينا. إنت دولة تحميج من أي أحد. عشان كذا هو فهم و طلع.. و ما راح يرجع أبدا.. بتشوفين.
و قمت من نومي
بصراحة أنا أنتظر سفري لهناك .. على أساس آخذ دورة فالإنجليزي و ألتحق بعمل على طول
أرجو منك التفسير ... و أدري غلبتك معاي بأحلامي.. بس و جودك مهم فحياتنا
شكرا