حلم أقود العربية

عدد المساهمات : 39 تاريخ التسجيل : 29/04/2011

االسلام عليكم ورحمة الله وبركاته

كل عام وأنتم بخير

تقبل الله صيامكم وصلاتكم وقيامكم وصدقاتكم وزكاتكم وصالح اعمالكم وتجاوز عن أخطائنا سهونا وعمدنا اللهم امين

حلمت خير اللهم اجعله خير

أنى راكبة عربية وأن انا اللى بسوقها (فى الحقيقة انا مش بعرف اسوق سيارة ولكن فى هذا الحلم رأيت نفسي كأنى أستطيع قيادتها ) كنت أقودها ولا أعلم كيف وكأنها تسير ببركة الله وكان إلى جواري شخص أسمه محمود هذا الشخص بيني وبيه موضوع عن زواج ولكن لم يتم شيء إلى الآن
كنت أقود السيارة وهو على يميني جالس كان المشوار طويل جدا ولكني كنت اقود بس وكأن السيارة تسير لوحدها أو ببركة ربنا ولاحظت ونحن فى الطريق وكأن السماء مزينة بزينة مختلفة على شكل موج بحر أو أجنحة طائر بألوان فضية فقلت ربما بمناسبة شهر رمضان الكريم
فى النهاية وصلنا لبيتي وعندما نزلت من السيارة
وجدت أن هذه السيارة كانت تسير بسلك التليفون الارضي فاستغربت الأمر جدا جدا كيف سارت كل هذا الطريق بهذا السلك !!! ولم يقطع أو يتكعبل أو أي شيء من هذا القبيل وعندما فشلت فى تفسير الأمر
قلت (مش مهم أزاى وصلنا بالسلك دا المهم أن أحنا وصلنا )
وبعد ذلك وجدتني فى بيتي ومحمود معي
وكانت أمى وأبي وأخي كلهم موجودين
وأنا وماما وأحمد أخي ومحمود جالسين على الأرض وكأن فيه طبلية (منضدة صغيرة توضع على الارض ويوضع عليها الطعا)
وبابا جاله واحد جارنا أسمه عم يسري .. قال له شوفت بنتك ماشية مع واحد أسمه عبد الكريم (هو يقصد محمود)
وعندما حدثني والدي قلتله ليه هو عم يسري غيران ليه؟!!!! وبعدين يا بابا دا مسمهوش عبد الكريم دا اسمه محمود وبعدين مهو قاعد وسطنا اهو (يعني مهو فى بيتنا وادامك معانا )
لقيت بابا جاب زي سيف من خشب أخر طرفه حديدة صغيرة اوي وعاوز يحطها على رقبة محمود
روحت انا اخدت السيف وحطيته على رقبتي انا وقولت لبابا اقتلني انا يا بابا .. وكنت مستغربة رد فعل والدي
والدي لما لقاني كدا راح مرجع السيف دا وقبلني واخدني فى حضنه وقالى انتى حبيبتي يا ياسمينا وكأنه صالحني وبيداعبني
بعدها حصل كلام كدا بين احمد اخويا ومحمود وبيني أن أحمد أخويا قاله ياض فأنا أتضايقت واستنيت لما محمود مشي دخل أوضة تانية فى الشقة وقلت لأحمد أخويا طب قوله يا أستاذ هو أكبر منك مينفعش تقوله كدا وبعدها أحمد أخويا تقريبا قام وراه وتقريب انا كمان ولكن كأن محمود مقيم معانا فى شقتنا وصحيت من النوم على كدا

منتقبة عمرى 31 سنة آنسة موظفة هذا الحلم في رمضان الحالى صليت الفجر ونمت وحلمت

عدد المساهمات : 39 تاريخ التسجيل : 29/04/2011

حلمت حلمت تاني النهاردة خير اللهم اجعله خير
حلم فيه كذا منظر
هقول اللى يعنيني لأن كلهم منفصلين عن بعض
حلمت أنى عند واحد بيبيع اقلام وانا اشتريت كذا قلم لي .. عشان شغلى باستعملهم فى الشغل بتاعي تقريبا 3 او 4 اقلام مش متذكرة بالظبط العدد يس كأنى بحاول اشترى على اد ما أقدر أقلام عشان ينفعوني فى شغلي وكنت بجربهم عشان اتأكد أنهم شغالين كويس وخطهم حلو ولا لأ

المنظر التاني شوفت ابويا لابس بنطلون بتاعي بلبسه فى البيت لأن أنا اصلا منتقبة خارج البيت شيفاه وهو لابس بنطلوني ومخرج (ذكره) من البنطلون بتاعي وكأن بنطلوني فيه فتحة من أدام قدر يخرج منها ذكره وكان ظاهر وانا اتحرجت أبص ودورت وشي عنه بس كمان اتحرجت اقوله ليه عامل كدا او لابس بنطلوني ليه !!!!

أخيرا

شوفت نفسي كأنى في شغلي فى الجامعة وأدامي العميد (اسمه أشرف فراج) بتاع الكلية اللى باعمل فيها وأدامنا عربية العميد وهو أداني عربيته دي (عربية العمل بتاعة العميد) عشان أسوقها أنا بس وهو مدهالي كان مضايق يعني مكنش فرحان أو على غير إرادته
أنا فتحتها وسوقتها وعرفت فعلا أسوق بس كنت ماشية براحة وعلى مهلي لحد ما وصلت البيت عندي ولما نزلت منها لقيت أن العربية مليانة قطايف كتير كتير بس فيه شوية قطايف وقعوا ع الارض وواحد جة شالهم رماهم
وبعدين انا بفكر أزاى هقفل باب العربية واسكرها وأنا معيش المفتاح بتعها ولو قفلتها وسكرتها من جوة أزاى الصبح لما اجى اروح الشغل هفتحها واركبها فضلت افكر وصحيت من النوم على كدا
وجزاك الله خيرا

عدد المساهمات : 39 تاريخ التسجيل : 29/04/2011

آسفة أني طولت على حضرتك
بس ربنا يجازيك كل خير

رجاءً لا تنساني من صالح الدعاء بظهر الغيب لأختك المسلمة ليس بيننا مصلحة غير الأخوة والمحبة فى الله ولوجه الله

سلامي لك بارك الله فيك

الرؤيا الأولى هل والدك تكلم في هذا الموضوع (موضوع الزواج والخطبة)؟

عدد المساهمات : 39 تاريخ التسجيل : 29/04/2011

أ.عادل كتب:: الرؤيا الأولى هل والدك تكلم في هذا الموضوع (موضوع الزواج والخطبة)؟

لا
والدي لم أتكلم معه بشأن هذا الموضوع أبدًا
أمي فقط
علمًا أن أستاذ محمود هو زميل أنتر نت أعرفه منذ فترة طويلة لم أقابله فى الواقع أبدًا
وهو الأن صديق خفيف لأخي بعد أن تعرفا على بعض من خلالي ولكن أخي لا يعلم مدى علاقته بي
وشكرا لك

عدد المساهمات : 39 تاريخ التسجيل : 29/04/2011

الله المستعان
اللهم يسر أمورنا واعفو عنا

عدد المساهمات : 39 تاريخ التسجيل : 29/04/2011

صبرٌ جميل والله المستعان على ما تصفون

بعد طول انتظار سيكون محمود من نصيبك وربما يكون فتح موضوع الخطبة يبدأ من والدك والله أعلم

عدد المساهمات : 39 تاريخ التسجيل : 29/04/2011

أ.عادل كتب:: بعد طول انتظار سيكون محمود من نصيبك وربما يكون فتح موضوع الخطبة يبدأ من والدك والله أعلم

يااااااااااااااااااااااااااه يا استاذ عادل
دا انا انتظرت حضرتك كتيييييييير اوي على فسرتلى الحلم
عقبال يا رب اما اكتب فى قسم الرؤى المحققة يا رب

» خطر كتابة العربية بالحروف الإنجليزية على ديننا وثقافتنا