السلام عليكم
انا اليوم فيس الصبح بعد صلاة الفجر صليت ودعيت انه الله يبصرني بمكان السحر وفاعله وعلاجه وقريت (اذكار الصباح + الرقية الشرعية+سورة البقرة + النور + الصافات + الجن +سورة يوسف + سورة الأنبياء) وكنت مكررة الآية (فلما ألأوقا قال موسى ماجتم به السحر ان الله سيبطله) 1500مرة واستفرغت كذا مرة ورديت شربت زيت زيتزن مقرى عليه علشان استفرغ
وتدهنت بزيت زيتون مقري عليه وتميت اسمع الرقية الشرعية (الشفاء +تعطيل العلم +رقية السحر +وآية الكرسي مكررة + والاستشفاء بالدعاء) المهم قبل ماانام دعيت "اللهم إني اسالك رؤيا صادقة + اللهم بصرني بما لا اعلم عن السر بحياتي وعلاج السحر والطريقة والخطوات لكي انتهي من مشروع التخرج)
حلمت اني في بيتنا القديم (الي انهدم خلاص) وكنت في الحوش (الحوي ساحة البيت) وبعدين مااعرف شوصار بس دخلت الميلس(المجلس ديوانية) وكان فيها نا كبار صغار بعضهم اعرفهم وبعضهم مااعرفهم وكنت اكلم امي ع اساس خطيبي بيجي وامي قالتلي انا مايخصني انتي رتبي ونظفي المكان وبعدين تميت اطرد الناس واقورلهم وارتب المكان وتركت اختي واخوية الي اكبر مني بسنه خفت اطردهم بيعاتبوني ويهزءوني وكنت اسال امي وين مسجلي وكان ستريو كبير فخم وردي فاتح كان بجهة الكراسي عقب فجاة صار بجنب الباب ع الطاولة الوردية وحجمه وايد كبير، بعدين جا خطيبي وكان اسمه محمد (شخص مشهور ومعروف بالامارات) وفجاة كنت اشوف حواليني مالقيت لا اختي ولا اخوي ولما جا فرحت وايد وقعدت جنبه وعقب قلتله اخاف حد يدخل علينا قالي ماعليج انا بسير بقفل الباب قتله م بيشوفونك قصدي امي واهلي وخالتي قالي ماعليج نزل سكر في الدرج مع انه المجلس ماكان لها لادرج ولا باب بس هو نزل وانا كنت اشوفه من الدريشة (النافذة) وكان لابس ثوب ومتسفر(متعصم لابس الغترة رابها ع الطريقة الاماراتية) بعدها جا وانا قعدت جنبه وحطيت راسي ع صدره وكتفه وكنت اكلمه ويكلمني كنت فرحانه وهو بعد بس مااذكر لو عطيته اوراق او راويته اوراق ولا لأ مااذكر بعدها تحول الحلم وكنت طالعة لين وصلت لمكان هو بين بيتنا وبيسن بيت جيرانا صغير وضيق الكل كان متجمع وقاعد ع كراسي (امي اختي خالتي الصغيرة ويدتي وخالتي مرت اخوي) فانا جيت وقعدت معاهم في كرسي فاضي وكنت لابسة ساعة الماس رولكس ولما شفت جدام الكرسي في الأرض في التراب لقيت ساعة شلتها من الأرض كان لونها وري غامج وشكلها فخم ومكتوب عليه حرف بالانجليزية (bhc) فخذتها في يدي وقريت الكلام المكتوب عليها وراويتها امي واختي وقالتلي اختي او انا قلتلها مااذكر انه الساعه تناسب ثياب العيد فقالتلي حرمة اخوي لبسيها في العيد حلوة فخالتي (هي مرت عمي) قالتلي فلانة ساعتج طاحت لما لرديت لمكاني لقيت ساعة وجنبها بشوي ساعتي وقلت حق خالتي هاذي مو ساعتي بس انا ساعتي الألماس وصح شفت يدي وكانت الساعه طاحت منها بس انا ماحسيت واستغربت ولما كنت ابغي اقعد ع الكرسي اختي وخالتي الصغيرة تموا ياشرونلي ع الساعات في الأرض كانوا كلهم خمس ساعات في الحلم بعضهم متوصخ وبعضهم احزمتهم مغمورة بالرمل (التراب) وكلهم بلاستيك وردي غامج نفس اللون وبعدبن رفعت راسي واشوف خوالي جايببن من بعيد فرحت بشوفتهم وبنفس الوقت استغربت وعقب اتذكرت انه بيتهم خلف بيتنا (مع انهم من دولة ثانية) وماذكر لو خالي الي توفى كان معاهم ولا لأ بس الي اذكره انه حرمته كانت معاهم بس قبل ماتوصل عندنا دخلت من باب انا استغربت لجيتها وكنت اقول هاذي شو يابها (ليش جات) بعدين دخلت من باب وماجات عندنا وبعدين جدتي جات وقالتلنا (انا واختي وخالتي الصغيرة وبنت خالتي الي برى الدولة) يلا روحوا بسرعه خلصوا شغلكم او اكلوا علاجكم مااذكر شو قالت بالضبط المهم انه نحن رحنا داخل البيت ولما مرينا مرينا على علاقة ملابس فيها فساتين بنات وبدلات اولاد صغار وكانت بنت عمي نورة معاي وقالتلي هاي ملابس عيال اختي (مع العلم انه اختها عندها بنتين توأم) فلانة شو رايج فيهم؟ قلتلها حلوين وخذت فستان واحد بيدي مااعرف ليش خذته عقب استغربت انه تم في يدي بعدين لما اتبهت حطيته بعيد عني وم كلهم سبقوني للمكان الي فيه اغراضنا لما رحت شفت مكان كانه كبتات (خزاين) كلهم وصلوا المكان ودخلوه بسهوله الا انا حسيت بصعوبه قبل ماادخل وكان فيه جدامي علاقيل وايد سلالم صغار وحواجز وكومات ملابس كنت مستغربة كيف هم دخلوا ووصلو لخزاينهم كنت اقول اني لازم اركب السلم وانزل منه علشان اوصل وكنت خابفة اطيح بعدين فجاة لقيت نفسي جداب الخزانه وكانوا البنات معاية (خالتي الصغيرة واختي وبنت خالتي الي برى الدولة) لما وصلت لخزانتي كان فيها وايد اغراض بس مااذكرهم وكنت ماسكة في يدي بلاستيك في حليب + حبة سوداء ومااعرف لو كلت منه ولا لأ بس اذكر انه اختي كانت بتعطيني شي وانا قلتلها لا الي عندي احسن ها علاجي او دواي شي من هذا القبيل
وجزاك الله خير ع التفسير