حلمين / وحالتين نفسيتين ،،

حلمت ياشيخ قبل اربع او خمسة ايام
كنت بممر ضيق وكان زحمة شوي باخره على اليمين باب له ظرفتين ( اقصد باب يفتح على الجهتين يمين ويسار )
كاني شفت اختي طالعة من الغرفة
وعلى جيتي كانت بنت خالتي جاية وسكرت احد الظرف بوجهي ( اليمين ) تبي تمنعني من الدخول
انا تنرفزت و فتحت الباب ودخلت الغرفة وسويت نفسي ادور على شي وكنت معصبة من تصرفها معي
ولما شافت اني فتحت الباب عصبت وقالت لها اختها الكبيرة بما معناه وهي تضحك بسخرية خليها خليها تحاول تنتصر لكرامتها!!
صحيت من النوم وانا احس بضيقة
معلومة / انا بخلاف مع الاخت الكبيرة والموضوع كبر وصار مع العائلة كلها !!

-------————

حلمت حلم ثاني وكان غريب بوقته ،، كنت بقوم اصلي الفجر وغفيت وحلمت هالحلم
شفت اختي الصغيرة ٢٣ سنة نايمة على سرير وفيه اضاءة خافته على الجدار
كانت نايمة على جنبها الايمن و كانت تعابير وجهها عابسة و رجولها مثنية لبطنها
جت عقرب لونها عسلي على اخضر وتلمع تمشي على مخدتها
جيت انا وامي نحاول نصحيها ولا صحت مسكنا يدينها وسحبناها
وبنفس الوقت العقرب كانت مقربة لراسها وحنا نسحبها والعقرب تقرصها وتحسب قطعه بيضا صغيرة من راسها
صحيت وانا مرتاحة جداً للي شفته !


معلوماتي /
عمري ٢٨ سنة
غير متزوجة
موظفة 
شبة مواظبة على الاستغفار واحاول اتبع بعض السنن

الرؤيا الأولى تدل على أنك تمرين في ضيق ولا تمنعين نفسك عنه, وعليك بغلق الموضوع حتى يزول عنك الضيق فالمثل الشعبي: باب يجيك منه الريح سده واستريح, والله أعلم.

الرؤيا الثانية تدل على أنك أختك في غفلة وراحة ولا تسمع نصحكم ولا تحذيركم لها وستنقذونها وبعدها تسمع لنصحكم, والله أعلم.

جزاك الله خير
الله يرزقك من واسع فضله ،،
ويكتب لك الاجر يارب ،،