الله يرزقكم الفردوس الاعلى فسروا حلمي

وقت حدوث الحلم: أنا تقريبا حلمت في نفس الاشخاص 3 او اربع مرات بس اللي اتذكره حلمين الاول كان في الليل بس بالضبط متى ما اذكر والثاني كان ع الساعة 11 الصباح وبعدها صحيت من الحلم وانا مهمومة افكر في الحلم
ماهي صلتك مع ربك : عادية
ماحالتك الاجتماعية : متزوجة وعندي ولدين
ماهي مهنتك: طالبة جامعيه انتساب وقفت سنة للحمل والولادة وان شاء الله بكمل
ماحالتك قبل النوم : كنت جدا طبيعيه ولاشي يعكر مزاجي


السلام عليكم ورحمة الله
أنا متزوجة وعايشة انا وسلفتي في شقهة وحدة( زوجة أخو زوجي)
سلفتي هذي بصراحة اخلاقها مو مرة ويعني لها وجهين وانا كثيييير اتضايق من تصرفاتها ودايم اشكي لزوجي عنها من كثر ماني متضايقة منها نفسي اطلع من البيت وكثيير امور تسويها بس اسكت وما اتمشكل معها لاني انسانة هادية وما احب المشاكل وسلفتي هذي تقريبا صادفها زوجي اكثر من مرة بالغلط بس اوقات احسه يتعمد ( ما ادري والله حرام اشك فيه يمكن الشيطان يلعب بعقلي لكن حبيت اقول احساسي ) وزوجي الحمدلله علاقتنا جدا قوية وهو من النوع الحيوي ولاهو راعي بنات وهالحركات لكن مدري
واوقات احس هي تتعمد تنعم صوتها مثلا لما تكون بنتي عندها وتناديني وعارفة ان زوجي موجود طبعا هذا كله احساس مافيه شي اكيد ويمكن الشيطان يلعب بعقلي ,

المهم حلمت فيها هي وزوجي اكثر من مرة واحلام كلها مو كويسة
ومن كثر ما يتكررون علي في الحلم بس بمواقف ثانية اضطريت اني افسر حلمي لاني اول مرة افسر حلم لي

الحلم الاول

زوجي كان واقف ويطااااالع في صدرها وانا شفته وعاتبته قال بكل بجاحة الشي هذا ماهو عنده يعني ماهو متوفر له طبعا هو يقصدني ان هي عندها صدر وانا ماعندي ((فعلا هالشي)) المهم انا زعلت منه وتزاعلنا وبعدين في نفس الحلم كنا جالسين انا ووزوجي في غرفتنا على الارض وكنا قريبين من بعض وانا كنت اكوي على الارض وشوي يرن جواله ويجيبون جواله طفلين تقريبا اعمارهم في خامس ويقولهم ردوا ما يبغى يرد انا هنا شكيت انه يكلم بنات ووراه شي اخذ الجوال وحطه على اذنه بس ما رد كان الجوال يرن وطول وهو يرن وبعدين رد وهو مرتبك كان يتكلم بصيغة المذكر وحول للؤنث عرفت انه متعرف على بنت وهو يتكلم يقول بشاير طلع اسم البنت بشايرانا زعلت وقمت للغرفة الثانية ادور لحل افكر وش اسوي معه ....



الحلم الثاني حلمت انه كان بيوديها مشوار وجالسين هي واياه مع بعض وهي كانت ماخذه راحتها في الكلام سوالف وضحك وهي مع زوجها العكس انا زعلت منهم لكن ماعبروني وعلى هالموال سوالف ضحك وميانة بقووة فصرت كل شوي احاول اراقبهم بأي طريقة بس زوجي يكفشني بعدين دخلت على اخو زوجي اللي هو زوجها وكانوا جالسين تقريبا رجالين لابسين ابيض على يميني وانا مهددة زوجي وسلفتي اني افضحهم عنده لكن في شي يردني كل شوي انادي اسمه واسكت يمكن ثلاث مرات
وبعدين سلفتي الثانية (غالية) كانت تغسل ملابس في الحمام وقدام الحمام كانوا جالسين زوجي وسلفتي انا جيت ابغى اساعدهم في الغسيل وكان كثيير وعلى الارض وكانوا يغسلون في المغسلة (الحوض) جتني غالية قالتلي خليهم فلانة بتغسلهم تبغى تريحني ((فلانة هذي تصيربنت عم زوجي)) وطبعا هذا كله يصير وانا مرررة متضايقة من زوجي وسلفتي رحت وعلمت خالتي اليي هي ام زوجي وكانوا بيجون ضيوف وتبغاني اساعدها وانا ارتب معها الصحون بكيت بقووووة من كثر الالم اللي فيني واهدد زوجي اني اعلم ابوه واهدده بقووة اني اعلم ابوي لاني عارفة بيكون موقف ابوي قوي وكنت ابكي بحرقه وبسس


للمعلومية علاقتي انا وزوجي جدا قوية ومشاكلنا جدا تفاهه وصغيرة وهو مررررة يحبني وانا نفس الشي

أسألكم بالله يكون الحلم بالتفصيل

الله يرزقك الفردوس الاعلى مع النبيين والصديقين والشهداء والصالحين