ارجو ان تفسر لى هذه الرؤيتان يا استاذ عادل انا عضوه جديده بالله عليك

الاسم : دينا النوع: فتاة
العمر:18سنه و8شهور
الحاله الاجتماعيه : انسه عزباء
الحمد لله انا متدينه
انى رايت يا استاذ عادل انى نائمه بجانب ابى وبعدين لقيت شاب دخل وقال انا الخياط احمد وعايز اطلب يد دينا مع العلم انى مشفتوش شكله فى الرويا اكن فيه كده ظل عليه لانى مشفتوش فى الحقيقه وماكنتش اعرف اسمه واساسا فى الحقيقه كانت امى بتخيط عنده بلوزة وبعد ما جاءت راحت قالت ان الخياط دة كويس ياريت يكون ليكى يا دينا وبعد فترة رايت هذه الرويا المهم اكملها بعد ماقال اطلب ايد دينا رايت انه معاه طماطم وعمال يقطعها بالسكينه طماطم كتير لدرجة اننا كنا فى بلكونا كده واتملت طماطم وبعدين بقوله انتا منين يعنى من هنا من الاسكندريه ولا من الارياف راح قالى حقولك بعدين راح ادانى برتقاله واكلتها وبعدين قلتله وايه يعنى مامامت تاتا فلاحه وخالت تاتا راح اعد كده فى غرفه جنب البلكونه واعد الكرسى لان الباب رن وكانت اختى واخويا الصغير راح اخويا سلم عليه وانا اعده فى البلكونه بجانب الغرفه وراح اخويا بص عليا الصغير المهم رحت لقيت مره واحده اننا راكبين فى عربيه بس مفتوحه من فوق بس كانت العربيه تعبانه شويه واكنها مخرمه كده خربانه شويه وبعدين نزلنا عند بتوع خضار وكانوا ملتحيين ليهم لحيه سوداء ولابسين قفطان ابيض بس انا كنت فى العربيه مدايقه شويه)الرؤيا الاولى انتهت لما قمت من النوم لقيت خالتى فا معرفتش اقول امى على الرؤيا بعديه بشويه روحت نمت تانى (رايت انى بقول لماما هوة الخياط اسمه احمد راحت قالتلى اه قلتلها بجد والله راحت قالت اه وبعد كده كل شويه يجى كده انى بسال ماما عن اسم الخياط بس مكنتش بعرف اجابه واتكررت ثم لقيت ان فى صوت بيكلمنى وبقوله اه بس الرؤيا ممكن تبقى فيها حاجات غلط مثلا راح قالى لا الرؤيا اللى بتكون من عند الله تعالى مبتكونش فيها حاجات غلط )اننا يعنى بنكلم انى لما اصحا اسال ماما عن اسم الخياط وكنت معنتها بقول حاجات غلط انه ممكن يكون اسمه مش كده راح قالى ان الرؤيا اللى بتكون من عند الله ما بتكونش فيها حاجات غلط ولما صحيت قلت لماما عن الاسم قالتلى اسمه احمد يعنى اسمه صح احمد والله العظيم اسمه طلع احمد)ديه الرؤيا الاولى المرة الجايه ساحكى لحضرتك الرؤيا التانيه عشان ماطولش على حضرتك وجزالك الله كل خير

هل هناك من يريد خطبتك؟

[quote
="أ.عادل"]هل هناك من يريد خطبتك؟[/quote]
لا يا استاذ عادل لا يوجد من يريد خطبتى ولكن انا بعد الرؤيا الاولى رايت ثانيا ان اخى الصغير يقول فى الرؤيا (ده شكله يا دينا طيب اوى انا شفته وماما جابت الصوره بتاعته محطوته على الكومودينو تعالى شوفيها )وبعدين قمت فى الرؤيا عشان الصورة اشوفها اللى هو احمد الخياط وبعدين الرؤيا خلصت لانى ماشوفتهوش فى الحقيقه )ساعتها بعد الرؤيا ديه انا وماما روحنا نخيط عنده البلوزة وشوفته وكان صح شكله طيب بس كدة

يا استاذ عادل اين انت امل ان تكون بخير انا كل يوم بشوف حضرتك فسرتهم ولا لا ارجو ان تفسر لانى قلقانه كتير واكيد ليهم معنى مش صعبين للدرجه دى يعنى على العموم الله اعلم بظروف حضرتك ولكن اذا حضرتك فاضى ارجو ان تفسرهم وتاتى المنتدى لانى فى قلق واريد ان اعرف تفسيرهم وشكرا

أختي إن صدقت الرؤيا فتدل والله أعلم على صلاح أمورك الخاصة لأن الخياط يربط الأمور المتفرقة وتنالين خيراً ورزقاً وربما يحاول الخياط التقرب منك أو الرغبة في خطبتك, والله أعلم.

ربنا يخليك يا استاذ عادل زى ما ريحتنى ربنا يزيد علمك يارب وينفع بيه الامه الاسلاميه اكتر ويفرج كربك وهمك يارب ويبعد عنك الهم والحزن امين يارب العالمين جزاك الله كل خير