خطوبة من شخص آخر أم من نفص الشخص؟؟؟

مرحبا شيخ عادل
الله يعينك و يوفقك و يبارك لك دايما يا رب

بياناتي:
أنا مطلقة منذ 7 سنوات تقريبا و عندي بنت بعمر طلاقي و عمري 33 سنة , مسلمة,و كنت أعمل بشكل مؤقت في مدرسة ابنتي(إدارية) أما الآن بدون عمل منذ حوالي ثلاثة شهور.

حلمت إن في حشرة تطير ( تشبه النحلة في ألوانه بس على أغمق ..و كبيرة بحجم الدبور ) شتفها تطير في الممر إللي داخل غرفة نومي..تفاجأت فيها وقت دخلت غرفتي.. فصرت أنشّها لبرا الغرفة.. لكنها كانت تجيني بإتجاهي.. و لما صارت تبعد و خرجت من الغرفة .. سكرت باب غرفتي شوي ضلت فتحة صغيرة مو قادرة أكمل أسكر الباب.. لأن الهواء إللي جاي من خارج غرفتي .. صار يدخل الغرفة بقوة من ضيق الفتحة للباب ( في الواقع كان وقتها أمطار و هو بارد .. و هو هذا الشعور كمان جاني كأنه إللي فالواقع) ..و في هذي الأثناء كانت هالحشرة مستغلة فرصة الهواء إللي يدفعها للدخول للغرفة.. لكني إستمريت أنشها و أحاول أغلق الباب. و حسيت على حالي.. يعني كأني قمت من نومي و رجعت غمضت لأكمل الحلم..يعني الصحوة لمدة لحظة أو حتى أقل من لحظة.

شفت حالي وسط أهلي في مكان كأنه بيت أحد من الأهل أو بيتنا – مو موجود في الواقع – و الجميع فرحان و كلام كثير في كل مكان تجمعات للأهل في صالة كبيرة جدا..بها كراسي و طاولات.. و كل قريباتي بعباياتهم و أنا أيضا بعبايتي..مادري ليش الكل بالعبايات..مع إننا في البيت. و رحت عند ثنتين من الأهل كانو يتكلمون و جيتهم حتى أشارك معاهم. و أشوف مقابلي في شاب وافد و أمه قاعدين على أحد الطاولات ..أول مرة أشوفهم ما أعرفهم يعني.. و أشوف الأم تتكلم مع إبنها عني ..و كان هو يتفرج علي.. حسيت إني عاجبته .. بس هو مو عارف كيف يتقدم لي أو يخطبني تحت إقناع من أمه بإنه لازم يبدأ .... كان يهز رأسه (بــ لا) .. و كأنه لا يستطيع..بالرغم من إني حسيت إني كثير عاجبته و فعلا يريدني.. بس ما يعرف كيف يبدأ. حسيت إني جدا فرحانه و أنا وسط أهلي و هذا الشاب يريدني..بس إللي معاي من البنات..محد منهم حاسس بإللي حاصل معاي أو بالموقف إللي أشوفه.

و ما أتذكر بعدها شو صار معانا.. بس شفت إني طالعة معاه هو و أمه.. و كأن أمي عارفة إنو طالعين حتى نشتري أغراضنا سوا. و ما كانت أمي كثير مهتمة .. غير إنها سمحت لنا بالروحة مع بعض من غير مشاكل أو مناقشات. و طلعت معاهم السيارة.. كان هو يسوقها..و أمه جنبه..و أنا وراه.. و من ساعدتي.. إدكأت براسي على كرسيه.. يعني صار راسي ناحية الشباك و عنده. و أشوف الطريق إللي ماشيين و فيه و أنا سعيدة جدا. بعدها تذكرت إن حبيبي مو هذا (إللي أبيه في الواقع).. هذا شخص آخر..و زعلت من حالي كيف وافقت على غيره و أنا أصلا أحبه. و رجعت جلست على الكرسي مالي صح.. يعني سندت ظهري على ظهر الكرسي..و كنت أفكر و أنا زعلانه جدا من نفسي.. أنا شو سويت.. و صرت أهز راسي ( بــ لا).. رافضة هالشخص و هالفعل إللي سويته بحق حبيبي و حق نفسي. و وقف في موقف السيارات.. على أساس وصلنا الجمعية (السوبر ماركت إللي يشمل أغراض منزلية و إكسسوارات البيت) حتى نشتري أغراض بيتنا. و لما نزلنا من السيارة.. إلتفتت عليه حتى نمشي سوا للمحل..(هذا المحل موجود في الواقع و قريب جدا على بيتنا) و أشوفه هو حبيبي إللي أريده للزواج..(يعني تغير شكله.. ماعاده هذاك إللي كنت طالعة معاه.. لأ .. صار إللي أبيه فعلا) سكر السيارة و جاء بجانبي الأيسر و أنا كنت على يمينه. و أمه جت تمشي بعيد عنا شوي..على يميني..كلنا رايحين للمحل. وقت كنت أمشي في مواقف السيارات..و هو جنبي و أنا أحس حالي إني أمشي و أنا جدا فخورة بيه و أريد كل العالم إللي تعرفني .. تعرف إنه صار خطيبي.. و هو كان بجانبي لابس بدله سوده..و قميص أو تيشيرت أبيض .. و كان يمشي بجانبي في قمة التواضع..و حسيته جاهز يشتري كل ما يلزمنا.

و أول ما دخلنا المحل (شفت إنه متغير عن والواقع من الداخل.. لكن من برا ..شكل المحل مثل ما هو في الواقع) و لما دخلنا .. حسيت إن أمه أصبحت أحدى قريباتي أنا .. بس ما أعرف مين..و كأنها خالتي. بس ما أتذكر من فيهم.. لما دخلنا المدخل.. رن عندي مسج و هو أيضا رن عنده مسج. و إحنا الإثنين طلعنا موبايلاتنا و نحن نمشي متجهين إلى مكان الأغراض إللي نبيها.. بس ما أعرف شو عنده في المسج.. كنت أشوف المسج مالي.. طلع من خالتي ( إسمها: أماني) كان فيها صورة هي مصورتها.. هذي الصورة فيها مجسمات على شكل شموع و نخل بحجم أو بطول الشموع.. و كأنها هي إللي صنعتهم.. عليهم فصوص ملونه بعلم بلادنا ( الشموع و النخل) على أساس إننا نحتفل بعيد الإتحاد أو العيد الوطني مالنا.. و كأنها في المسج تقول لي يللا تعالو البيت حتى نحتفل مع بعض بهذي المناسبة بعد ما نخلص من شراء أغراضنا. لكني ما شفت الكلام الموجود بس حسيت إن هذا هو المضمون.. و حسيت إنو لما كنا مع بعض في البيت..و كأنها خالتي ماكانت جاهزه للإحتفال بالعيد مال بلادنا و كانت زعلانه ..و ألحين بعد ما طلعنا إحنا.. بعتت لي المسج حتى أعرف إنها صارت جاهزة للإحتفال.. و تريدنا نحضر.
و كنت في هذي الأثناء من الحلم سعيدة بأن إللي أريده زوج لي هو إللي أنا طالعة معاه أشتري أغراض بيتنا ..و كنت أسمع خطبة الجمعة ..و أستغفر في نفس الوقت. بعدها قمت و أنا سعيدة جدا.

بس كمان يا شيخ عادل محتارة مين هو خطيبي..لأن إللي يبيني في أول الحلم .. مو هو .. بس في آخر الحلم يطلع هو.. و حسيته جدا جاهز للزواج. ياريت خبرني و إطمني من هو الشخص الأول و شو إللي بيصير معاي.

الله يعطيك العافية و يسهل لك كل أمورك يا رب

أشكرك كثيرا و الله يبارك لك يا رب.

الله يعينك و يسهل لك كل أمورك يا رب

الله يبارك فيك

أحلامي كثيرة و صارت متراكمة عليك يا شيخ عادل.. الله يعينك و يساعدك يا رب..

والله هذا من ثقتي في تفسيراتك .. و أعجز عن شكرك الشكر إللي فعلا تستحقه

بارك الله في كل أعمالك و يسر لك كل أمورك و عوضك خير في حياتك يا رب

الله يعطيك العافية على مجهودك

أنا دايما في إنتظارك

الله يعطيك العافية

الله يحقق لك كل أمانيك يا رب

يا رب خير

الله يجزيك كل خير يا رب و يبعد عنك كل شر

في إنتظارك يا شيخ عادل

الله يوفقك يا رب

في إنتظارك يا شيخ عادل .. زادك ربي علما

لا إله إلا الله .. سبحان الله .. الحمد لله .. الله أكبر .. لا حول و لا قوة إلا بالله


في إنتظارك يا شيخ عادل .. الله يصلح حالك و ينصرك يا رب

الله يستر و يكون خير يا رب

الله يجبر بخاطرك يا شيخ عادل .. في إنتظار تفسيرك بارك الله فيك

الله يجبر بخاطرك يا شيخ عادل .. في إنتظار تفسيرك بارك الله فيك

الله يجبر بخاطرك يا شيخ عادل .. في إنتظار تفسيرك بارك الله فيك

الله يجبر بخاطرك يا شيخ عادل .. في إنتظار تفسيرك بارك الله فيك

أختي هل هناك من يريد معرفة أسرارك ومتعبك هذا الشيء؟ هل هناك من يستعد لخطبتك فعلاً؟

نعم أنا أشعر أن هناك من يريد معرفة ما عندي أو ما يدور حولي أو يعرف بما أفكر .. هم من الأهل و حولي. و أنا لا أحب ذلك التصرف.. بالرغم أنهم يحاولون عدم إظهار ذلك أحيانا.

و أما عن الخطوبة .. فمن أريده .. أصبح حاليا يجهز لأمر الخطوبة بشكل جدي .. لأنه أخيرا إنتهى من تظبيط أموره و أموره أهله .. و الآن أصبح متفرغا لوضعنا معا. أما إذا كان سؤالك أنه هناك شخص آخر من يريد خطبتي .. فأنا لا أعلم بذلك.. و لا أدري بنوايا أي أحد.

أرجو أن أكون قد أفدتك يا شيخ .. و يعطيك العافية و الصحة يا رب.

ما كتبتيه عبارة عن رؤيتين

الأولى تدل على أن هناك من يزعجك في معرفة أسرارك, والله أعلم.

الثانية تدل على تيسر أمور الخطبة مع أخبار سارة لكما بإذن الله والله أعلم.

أشكرك جزيل الشكر يا شيخ ما قصرت و الله يرزقك و يرفع من شأنك و يبارك لك في حياتك يا رب