مرحبا شيخ عادل
الله يطول في عمرك و يبارك لك فيه دايما يا رب
بياناتي:
أنا مطلقة منذ 7 سنوات تقريبا و عندي بنت بعمر طلاقي و عمري 33 سنة , مسلمة,و كنت أعمل بشكل مؤقت في مدرسة ابنتي(إدارية) أما الآن بدون عمل منذ حوالي ثلاثة شهور.
أنا حلمت هالحلم مرتين في نفس اليوم.. يعني قمت بعد أذان الفجر و أظن إني كنت أشوف هالمنام و أنا أسمع أذان الفجر..و بعدها حلمت فيه الظهر عالساعة 1 تقريبا.. تكرارها خوفني و قلت لازم معناها شي.. و هو تكرر بنفس الطريقة..و لا فيه أي تغيير.
شفت حالي كأني أتواصل مع خطيبي بالنت..و كأنه زعلان مني .. لأن في إعتقاده إني أكلم صديقة بعد و أتواصل معاه..و هو ما يريدني أسوي جيه.. بس ما صرح لي بهذا .. كان مجرد إحساسي بالحلم.. و حسيت إن صديقة متواجد فالنت أيضا.. و يتواصل مع أحد..و كأنه يوهم إللي أبيه بإنه قاعد يتواصل معاي أنا. يعني أنا فاتحة شاشة اللاب مالي ..و أشوف شباكين جدامي.. الشباك العلوي إللي عالجهة اليسرى لكنه في الغالب في نص الشاشة مع ميلان بسيط جدا لليسار..فيها صورة خطيبي(كان فيديو).. و الشباك السفلي على الجهة اليمين-تماما على اليمين.. فيها صورة صديقة ( ملاحظة.. أنا تواصلت وقتها معاه عبر النت حتى أطمن على خطيبي وقت كنا متزاعلين.. و إنتهى الحديث مع المصالحة فورا..و لا في أي تواصل..و خطيبي يعلم بهذا تماما).
و في هذي الأثناء..كأنها بنتي تيجي من المدرسة.. لكنها ما تلاقيني بإنتظارها على باب البيت كما هو معتاد..و أشوفها نازلة من الباص و هي جدا زعلانه مني.. لأني أفتح لها الباب و هي عنده .. بدلا من خروجي أنا لعند الباص و آخذ شنطتها من مشرفة الباص و ندخل البيت سوا. كانت ملامح بنتي كلها يدل على زعلها مني ( حواجبها ضاربين على بعض ).
و أقوم من نومي .. مادري في المرتين نفس الشي .. مافي أي تغيير
بليز شيخ عادل .. وضح لي هالرسالة.. أكيد في شي.
الله يعطيك ألف عافية يا رب
