مرحبا شيخ
يسعد أيامك و لياليك يا رب
بياناتي:
أنا مطلقة منذ 7 سنوات تقريبا و عندي بنت بعمر طلاقي و عمري 33 سنة , مسلمة,و كنت أعمل بشكل مؤقت في مدرسة ابنتي(إدارية) أما الآن بدون عمل منذ حوالي ثلاث شهور.
أحتاج أفهم هالحلم لأنه فعلا قالقني.. و يعطيك الصحة العافية يا رب.
<اليوم الصبح نمت عالساعة 11 تقريبا و قمت الظهر عالساعة 1.. و من الساعة 1 إلى 1:30 تقريبا و أنا أحط منبه الموبايل على (غفوة) حتى أكمل باقي الحلم و أعرف شو بيصير. لكن بدون فايدة.. آخر شي قمت من غير ما أعرف شو بيصير.>
الحلم كان:
أشوف خطيبي فتح صفحة على النت و كأنها صفحة في الفيس بوك..و أتفاجأ بأنه وضع سؤال و يريد أحد..أو لجنة معينة تجاوب على سؤاله.. و وقت قريت السؤال .. تفاجأت فيه.. السؤال هو.. هل هناك طريقة للتخلص من الوشم إللي مسويه على ذراعة؟
و طبعا شدني هالسؤال و صرت أنا أنتظر الجواب مثله بفارغ الصبر.. نريد أي أحد يجاوب. و كأني أشوف في الشاشة صورته فيديو و هو يتحرك متوتر ينتظر الجواب. و كل أحد يدخل عالصفحة تبان عندنا إشارة إنه يقرأ السؤال..و لكنه ينزل من الصفحة بدون أي إجابة. و صرت أنا على أعصالي و في نفس الوقت عندي شعورين متضاربين.. هم شعور إني فرحانة إنه أخيرا قرر يتخلص من الوشم إللي سواه و أنا مو راضية عليه,و شعور إني مو عارفة ليش هالقرار الفجائي و ليش متوتر يريد بأسرع وقت يتخلص منه.
و طول ما أنا أسوي المنبه على غفوة..كنت أرجع أكمل النوم و ما ألاقي الموضوع إنحل للغفوة إللي بعدها.
شيخ عادل.. بصراحة بخبرك.. كان في شهر 9 كان يريد يوصللي هدايا -يعني يبعتهم مع أحد على مكان دزامي- و مثل ما فسرتلي حلم إنه عطاني كف و طلقني..و خبرتني إنه بيوصلني بخطبة أو زواج من خلال الكف و بيطلق العزوبية- صار و وبعت الهدايا في اليوم إللي رايح فيه حتى يسوي الوشم على ذراعة و كان قايل لي إنه بيسوي الوشم على أول حرف من إسمي..و ضلليت أقول له لأ ما يسوي الوشم أصلا و بعد بيسوي أول حرف من إسمي لأ مابي لأني ممكن يجي يوم من الأيام نختلف أو ننفصل أو ماتصير معانا الظروف بل تصير عكسنا و ما يصير في نصيب..و تخطب وحده ثانية.. شو ذنبها بحرف إسمي على إيدك.. قاللي عادي تراه ينمسح..وايد طرق يسوونها لا تخافين. في اليوم هذا إللي بيسوي فيه الوشم أختلفنا و تخاصمنا بمسجات عالموبايل..ما أذكر على شو.. و بعد راح يسوي الوشم.. بس بعد بيوم أو يومين تصالحنا و بعتلي صورة الوشم.. أتفاجأ بأنه مسوي أول حرف من إسمه هو على حلقة مثل شكل السلك حول ذراعة. بصراحة حلوه التشكيلة.. بس مو فرحانه إنه يسوي الوشم و فرحانه لأنه ما عمل أول حرف من إسمي. و ألحين مادري شو سالفة هالحلم.. أنا وقت قمت كنت حاسه إنه قرر شي و متوتر يريد حل و يبي يجي يخطبني بأسرع وقت..و بعد ساعتين من قمت من نومي حسيت إنه يمكن يبي يخطب وحده ثانية أو قرر يتزوجها و ضروري يخلص من هالوشم..و شوي بعدها جاني إحساس إنه يبي الله يغفر له و يصلح حاله و يشيل هالوشم. و ألحين و أنا أكتب لك هالحلم .. جاني إحساس بإنه يريد يمسحني أنا من ذاكرته مع إن الحرف إللي عليه حرفه هو بس يمكن مربوط بأحداث و كلام دار بيناتنا أنا وياه.
شيخ عادل.. أرجوك تفسر لي هالحلم .. لأن صرت أتعب وايد.. و إحنا بعدنا مختلفين لليوم مثل ما تعرف.. مافي تواصل بيناتنا حاليا. القطع مستمر.
و يعطيك ألف عافية يا شيخ عادل و الله ييسر لك دربك و يحقق لك مرادك يا رب.
