مرحبا يا شيخ
بياناتي:
أنا مطلقة منذ 7 سنوات تقريبا و عندي بنت بعمر طلاقي و عمري 33 سنة , مسلمة,و كنت أعمل بشكل مؤقت في مدرسة ابنتي(إدارية (أما الآن بدون عمل منذ حوالي شهرين و نصف.
لو تكرمت .. أدري غلبتك معاي.. بس أحتاج تفسيرك في جزئية صغيرة جدا.. هي هذي إللي أتذكرها فالحلم
أنا شفت خطيبي و واحد من أصحابه في الحلم و كانو مع بعض جدامي .. بس ما أعرف شو يقولون و لا ليش صاحبه يضحك..بينما هو يطالعني و هو ساكت.
و شفت حالي كأني قاعدة على سريري و فاتحة اللاب توب مالي.. و مادري شو اشوف.. أنا ركزت على جرح على ساعدي اليمين.. جرح صغير كأنه متشال من اللحم شوي.. و الدم غليييييييظ و لونه أحمر دااااكن جدا و يخرج ببطء من الجرح.. إستغربت منه.. من شو مجروحة .. مسحته بالإبهام الأيسر ليدي اليسرى..و رجع خرج مرة ثانية .. بس بطئ نوعا ما.. و مسحته مرة ثانية بنفس الإصبع .. و إختفى الدم و أشوف بس مكان الجرح مفتوح و لونه وردي (يعني اللحم إللي تحت).. و رجعت إنشغلت باللاب توب. و قمت من نومي مباشرة.
أرجو منك التفسير يا شيخ
(في هذا اليوم..بعد ما قمت من نومي..أتفاجأ بإنه رسل لي مسج بمناسبة السنة الجديدة.. و رديت عليه بمسج.. و رسلت لأهل(أمه و أبوه) لهذي المناسبة بدعاء بسيط.. و عصر هاليوم أتفاجأ بمسج منه مرة ثانية يقوللي إن أبوه غصبه يبعتلي مسج..و كان يطمني عليه و يسألني عن حالي..رديت عليه إني زي الزفت و إنه صار يخوفني..أحتاجه يفهمني..و إعتذرت إن أبوه إللي غاصبة .. مو من كيفه و رغبته يعني...بس بعدها قاللي إن بخللي فهمه علي للأيام.. يمكن يفهمني عدل.. و على الله أحسن شي.. و إنتهى تواصلنا على كذا)
أحتاج لنصايحك يا شيخ
يعطيك ألف عافية يا رب