تحققت بدخول والدها عليها سبحان الله

الرؤيا:
معلمه متعاقده متزوجه عندي ولد عمره سنه وأعاني من تعب جسدي سببه العين والله أعلم
وكذالك هناك مشاكل وضغوط نفسيه خاصه من جهة الوالد الذي هجرنا من سنتين تقريبا بسبب زوجته الثانيه

رأيت وأنا نائمه أمس فترة العصر أني ذهبت الى مكان يشبه مزرعة الوالد وكان في أستقبالي عامل المزرعه القديم وأسمه سعيد
وقدرحب بي وكأني أرى والدي خارج حدود المزرعه وبيني وبينه مايشبه كومة تراب نسميه بلهجتنا (حفاد)أو حاجز وهو لايراني ثم فجأه كأني حامل وأبولد والعامل سعيد ينقلن بسياره للمستشفى واتصل بعد على أخوي سعود عشان يفزع وأنا بالطريق وأول ماأوصل للمستشفى ينزل مني ولدمسكته بيدي وسحبته من غير طلق وأنا مستغربه وفرحانه أني ماحسيت بطلق وكأنه جا قبل وقته والدكتور عندي وأقف وفجأه حسيت أن في بطني ولد ثاني وجا الدكتور يبي يضغط على بطني فقلت أصبرو شوي يبي يطلع وسحبته من رجله وطلعته وصارو عندي توم وأنظر لواحد منهم الأوهو يشبه ولدي اللي عمره سنه بعدين كان بطني شوي منتفخ وينزل ماء الطفل لأنه ماجاني طلق فما نزل كل اللي في بطني فأعطاني الدكتور تحميله عشان تطلع الماء والأشياء اللي مع الطفل وأنسدحة وأنتظر مفعول التحميله والمغص القوي لكن خفيف ماجاني شي وأمي جالسه عندي وتنتظر متى أخلص والغريب أني أقوم وأسكر الباب لايشوفوني اللي وراى الباب أحس أنهم بعض قرايبنايتفرجون وأرجع أنسدح مره ثانيه وانتهى الحلم وأنا على هالوضع

أسفه على الأطاله بس عسى خير أن شاء الله .........

التعبير: خيراً رأيت وشراً كفيت

إن صدقت رؤياك والله أعلم أنها تدل على بشارة بذهاب الهم وعودة الأمور مع أبيكم للسعادة

وفرج الله عنك هم السنتين بولادة التوأمين.... كما أنها تدل على بشارة بشفائك من العين ولكن

عليك بالرقية الشرعية مع الدعاء ....

والله أعلم بالحق والصواب............

وبعد ثلاثة أيام تحققت بقولها:


(( البشارة..............البشارة..............ال بشارة...............البشارة........... البشارة ))

البشارة لك ياأستاذ عادل تحقق تفسيرك للرؤيا التي رأيتها قبل ثلاثة أيام بأن علاقتنا بوالدي ستعود وسنصطلح وأبشرك أن والدي زارنا اليوم وسلم علينا بعد هجر سنتين والأمور أن شالله في طريقها للتحسن وقد سجدت شكرا"لله فهو أهل الحمد والشكر ..


ولك ياأستاذ / عادل كل التحيه والتقدير عسى الله يوفقك الى طريق الصواب والحق والخير ويجزاك خير الجزاء ويسر قلبك بما تريد ويبعد عنك شر من أرادك بشر من جميع خلقه هوولي ذالك والقادر عليه..