مرحبا يا شيخ
هذا الحلم حلم فيه إللي أريده لزواج.. حلمه أمس و خبرني عنه اليوم
و يا ريت تفسره .. الله يبارك لك
قال: إنه كان يدور علي في منطقتنا (هو أصلا ما يعرف وين بيتنا..بس يعرف المنطقة إللي أنا فيها-فالواقع) و قال إنه شك في فلتين.. و ظل واقف.. إلين ما شاف بنتي و أبوي يلاعبها.. كان أبوي لابس كندوره لونها بني.. سأل أبوي: بيت الموسطي وين صاير؟ (هذا إسم عيلتي) رد أبوي: وصلت. و رد سأل: علي ؟؟ (هذا اسم أبوي) .. قال: هيه. قال له: أبيك بموضوع. و دخله المجلس..
قال له: تعرف أنا وافد..و أهلي مب هنيه.
رد أبوي: هيه.
قال: أبي.. أبي...
رد أبوي: هيه...
ينتظر منه الكلام أبوي. بس هو سكت. و مايدري أنا شو أبي من أبوي..دخلت .. و ماكملت سلامي.. وقت شفت قرعته (إللي أبيه أصلا أقرع) و هو طخ راسه لتحت حتى ما يرتبك.. و أنا سرت برا .. و وقفت ورا الباب أتسمع.. و قريبتي تضحك علي. و أبوي رجع يسأله: يا إبني شو تبي .. ليش ساكت؟ رد هو عليه: مو راضي يطلع الكلام ....عطني رقمك و أطرشلك مسج. قال أبوي: أوكي. و طلع من عندنا.. و هو طالع.. خبط حاله ليش ما تكلم بعدما وصل.
بس هذا كل الحلم..
و أنا أبا تفسير.. دخيلك.. أنا حالمه بخطبة .. و هو حالم بخطبة.. بس أنا ماخبرته بحلمي.. إللا اليوم خبرته بالموجز..لأنه قال لي إنه حلم بهالحلم اليوم.. أريد أعرف شو في ..صاير معانا شي جديد.. معقول إثنيناتنا نحلم بخطبة.. بس الله يستر
الله يسعدك يا شيخ .. أنتظر ردك بارك الله فيك