مرحبا
أنا عندي سؤال و حاسه إني أعرف إجابته
بس أريد أتأكد من صحة معلوماتي
سؤال عن (الحلفان)
يعني مثلا جاني شخص يقوللي بحلفج و إنت تخافين من ربج .. و حياة فلان و فلان (و يكونون فلان و فلان وايد غاليين علي) إن الشي هذا ما سويتيه ..مثلا يعني.
هل يجوز أن يكون هذا حلفان؟؟؟ و يأخذه رب عالمين مأخذ حلفان و صحيح؟؟؟
إللي أعرفه إنه ما يجوز .. و إذا رديت عليه(هالشخص إللي قاعد يحلفني) إن فعلا ماسويت هالشي و حياة فلان و فلان إنه ماصار... ما كأني حلفت .. بس هذاك إللي يحلفني بيعتقد إن الحلفان تم.. و بينتظر إن شي يصير لفلان و فلان لو كان الحلفان كاذب.
شو رايكم بمعلومتي .. صحيحة وللا خاطئة .. و يعتبر الكلام إللي ذكرته : حلفان ؟... أنا أقول لأ ما يعتبر حلفان.. بس عشان أخلص من إللي يحلفني .. أقوم أقولها .. و أخلليه ينتظر رد رب العالمين .. إللي ما راح يصير شي في فلان و لا في فلان.. بالتالي بينتظر عالفاضي.. و فلان و فلان إللي أعزهم و غاليين علي.. ماراح يصير لهم شي.
و أشكركم على إهتمامك.. و كلي ثقة إني ألاقي عندكم الجواب الصائب
و الحمدلله رب العالمين على وجودكم .. لأن فعلا نحن بحاجه لكم.
دمتم سالمين
