[size=12]السلام عليكم ورحمته وبركاته.
كتب الله اجر كل من قام واجتهد في هذا المنتدى وجعله خير لهم في الدنيا والاخره يراها في اهله وماله ونفسه
رئيت كانني دخلت ع اخي وزوجته وكانا يجلسون ع سفره وامي وخالتي ايضا جالسين ع السفره وزوجة اخي تصير لي بنت خالتي
وكانني رئيتهم جالسين ونظرت اليهم وجلست ولم اسلم عليهم بحكم انني اتوقع انهم مشغولون ع السفره بعد الانتهاء اسلم عليهم
وقامت زوجة اخي عندما رئتني قامت تضحك ضحكة القهر والشماته وتقول لاخي شفتها
وانا انظر اليها وكانها قامت تاخذ لعبة ابنها وتعيدها ثم عادت مكانها وقمت اسلم عليها وهي لازالت تضحك ضحكة غريبه واضح الحقد والشماته منها والقهر مما فعلت وكل مره تكرر لاخي شفت وانا انظر لاخي وهو يطيء طيء راسه ويرد عليها وش شفت ماشفت شيء
قمت انظر لعينيها وقلت لها وش اللي شفت وش شاف وش قصدك وقمت اهزئها واقول انا جتني نفسيه منكم قلت اسلم عليكم بعد السفره او انكم ماتبغون تسلمون علي وقمت اهزئها بقوه وانا اطالع لعينها وكان عيونها تغيرت من حقد وقهر وتغيرت نظرتها وكانها هجدت وقلت لامها اللي هي خالتي وش رايك بكلمة بنتك قامت كانها تدف بنتها بعيد عني وتقول لها وكانها تهزئها عشاني مو كفايه انها مو طايقاك قمت انا اطالع فيها باستغراب....عرفت اللي كانها توقف بصفي وتنصح بنتها وهو العكس..
وامي كانت جالسه وساكته بس حسيت بداخلي ان امي عاجبها اللي انا اسويه ان ادافع عن نفسي وارد كيدهم ..مع اني ماطالعت في وجهها بس حسيتها كذا
وقمت اطالع في اخوي واقول اساسا الغلط مو عليها الغلط عليط المفروض اذا صار اي شي والا قالت ا شي تقولها شيء بيني وبين اختي مالك دخل فيه وماتتدخلين بيننا وكاني انهرت..المشكله اخوي يحزن ماقال شي ومنزل راسه بعدين قمت ارفع ايدي واقول سبحان الله العظيم سبحان الله العظيم وانا منهاره واقول حسبي الله ونعم الوكيل واكررها واخوي بجنبي يقولي ايوه قوليها ايوه قوليها يشجعني واقعد اسبح واتحسب ..انتهت الرؤيه
الجنس-انثى
العمر-28
الحالة الاجتماعية(متزوج, أعزب)-عزباء
الحالة الدينية-متوسطه
المهنة (طالب, موظف...) طالبه
اخي تزوج له سنتان ومن زواجه انقلبت حالتي وحالة امي واختي النفسيه بسبب مشاكل خالتي وبنتها اللي تغيرو فجأه ..الحمد لله وكنت اطنش اشياء كثيره ع حسابي وحساب اهلي عشان اخوي وادركت ان اللي يسكت عن حقه ياكلونه الناس فتغيرت مررره حتى مع اخوي لانه من جد تغير وانا نفسيتي ماتتحمل وماصرت اهتم ابد ابد فيه ولاحتى اسئل عنه
