السلام عليكم ورحمة الله وبركاته
حلمت كان علينا امطار وكانت عايلتنا جالسين في الشارع على فرشه والجو حلووو ونادتني اختي (نوف) قالت تعالي نغطس رجلينا في البحر قلت لها لا البحر ثاير من الامطار ومارحنا له وجت بنت اخوي (ود) قالت تعالي معي ياعمه انا خايفه وصليني للبيت وكانت تمشي وراها قطه وهي ماهي خايفه في الحلم من القطه كأنها قطتها ويوم دخلنا البيت وطلعنا السلم الاول سمعنا اصوات قطط تحت السلم تصيح كانت اصواتها مخيفه وكنت احذفها بشباشب اخواني وبعدين سمعت اصوات قطط تتهاوش عند باب اخوي واقول بيني وبين نفسي الحمدلله ان بابنا احنا مقفل ماعاد تقدر تدخله القطط وبعدين نزلت علينا ومسكت جهة اليمين وقلت لبنت اخوي خليك على جهة اليمين وكانت القطط تحاول تأذيني بس ماكانت تقدر وهربت بنت اخوي برا العماره ومعاها القطه حقتها وبعدين طلعت انا من العماره وكانت في وحده من القطط تلحقني وقلت بروح لبيت طليق اختي عشانه هو يكره القطط ودايم يضربها بعدين قلت لا وهربت منها وجيت بين عمارتين وبديت اتحارب انا واياها مره بسلك جهاز الريسيفر ومره بلي ماء وتحولت القطه الى رجل عراقي وصارت تشكيلي من اللي يأذونها وأنا اسمع لها واضربها بنفس الوقت وهي تحاول تضربني بس ماكانت تقدر وبعدين سمعت صوت اختي قدام محل السوبرماركت تنادي بنت اختي ويوم جيت لقيتها ماسكه بنت اختي برجلينها وراسها نازل على الارض وشعرها عالق في البلاطات وقالت اختي لاختي الثانيه روحي جيبي مقص وانا طلعت شعرها بيدي وبعض الشعر كان يتقطع وقلت لاختي لا تقومينها على رجلينها خليها منسدحه لان راسها حار واخاف اذا رفعتي على رجلينها يسبب لها ... انتهى
آنسه طالبه عمري 24
عمارتنا 3 ادوار احنا في الدور 2 واخوي في الدور 3
بنت اختي اللي عالق شعرها في البلاط عمرها 5 سنوات
