السلام عليكم
انا آنسة ، 24 سنة اخر كورس تخرج ، صلتي بربي جيد جدا الحمدلله
اليوم حلمت حلم ع الساعه 9 او 10 صباحا نمت بعد ماقريت اذكار الصباح + كملت كم صفحه كانت باقيتلي من سورة البقرة + قريت الرقية الشرعية + قريت آيات الشفاء والكفاية والحفظ + شغلت ع القرآن الرقية الشرعية ونمت
حلمت حلم مااذكر منه غير هذا كان من بدايته الباقي نسيته حلمت كانه كنا في مكان انا وخالي عبدالرحمن من البحرين (هو حاليا مسافر فرنسا) وكان معاه حد يمكم اخواني الي اصغر مني وولده الصغير المهم كنا كنا كلنا في مكان وانا في الحلم كنت اتوقع اني كنا في مطار واحنا بنسافر كنت امشي معاهم لين ماشفت حمام الله يعزج وماصدقت اني شفته وقفت عنده وكنت اراقب خالي والي معاه كانه وقف من بعيد ينتظرني بعدين مشى دخلت الحمام وكنت كاشخة ومعاي شنطتي واذكر كان فيها مبلغ صغير 25 او 35 او 45 درهم بالكثير بعدها قضيت حاجتي ومسكت شنطتي وفتحتها كنت ابغي اشوف كم معاي فلوس وكنت احاتي انه مامعاي مصرف الفلوس الي عندي ماتكفي وكنت متضايقة شوي من هالوضع المهم لما جيت ابغي اطلع من الحمام شفت شنطة كبيرة مستطيلة داخلها كتب واوراق مليانه وفوقهم في النص شفت فلوس رزمة كبيرة من فئة 500 مطويات فقت وخذت منهم ع اساس اني بخبيهم علشان ماحد يسرقهم الشنطة ماركتها هرمس (ماركة غالية جدا)لونها ازرق فاتح مطفي ع جلد شامواه هو انا مافتحت الشنطه ولا فتشتها كانت مفتوحه والاشياء باينه منها وتميت افكر انه حرام هذ اكيد شنطة حرمة وهاي الفلوس مصرف للسفر الحين بتدورها وتخوفت في نفسي انه حد يسرقها فشلتها معي واول ما فتحت الباب شفت فراشات (خادمات النظافة) يمكن خمسة او سته بعضهم متحجبات بعضهم لا اول ما شفتهم قلتلهم وين السيكيورتي (ابغي اعطيه هالشنطة حرام مالت حرمه اخاف تضيع) جاتلي وحده من الخادمات وقالتلي عطيني ياها انا بعطيه طبعا انا مارضيت قلتلها لا انا وديها اخاف تضيع اتضايقت من ردي وقالت حق باقي الخادمات المسلمين كله كذا مايثقون في المسيحيين تضايقت من كلامها لأنه انا ما كان قصدي اضايقها واول ماطلعت شفت واحد من رجال الامن جالس برى جنب الحمام ع طاولة شفته وترددت اني اعطيه الشنطة وكنت خايفة احاتي انهم راحوا عني وبعدين سالته شفت رجال بحريني مع اولاد صغار قالي هيه واقف في هذا الطابور ع الكورنر ولما شفت شفت الناس مصطفين طوابير علشان يخلصون جوازاتهم ويسافرون لكن بالباصات واستغربت من هالشي ارتحت وايد لأنهم ماسافروا عني ولمحت خالتي (من الامارات- سابقا حلمت عنها وحذروني منها انها ماتحبني ولا تبيلي الخير لا هي ولا بناتها) تشوفني بنظرات ارتياب طنشتها وبعدها فجاة شفت نفسي في شارع او ساحه شبه فاضية من الناس وفيها رجال امن وحواجز جا خالي بسيارة كان يسوقها وقالي يافلانه تعالي اركبي ركبت السيارة واول ما ركبت السيارة شفت خالتي فيها وكنت اناظر الفلوس في شنطتي وفكرت اني اسرقها وافرح فيها في السفر (في امريكا ع اساس بسافر امريكا) ماحد بدري ولا بيعرف ولا بيسالني بعدها فكرت في نفسي قلت السرقة حرام الله مايرضى فيها وسمعتي وامانتي بتخرترب وبعدها التفت لخالي وقلتله قلتله حرام شنطة الحرمه فيها فلوس عندي وقف عن السيكيوريتي (رجال الامن) وبعطيه الشنطة وهو تم يشوفني ويقولي فلانه اخاف نتاخر قلتله الله يخليك هي اكيد بتحتاجها ووقف عند رجال الامن وقلتله انا لقيت هالشنطه في الحمام شوف من صاحبتها وانصدمت انه لون الشنطة تغير للاسود نظيف وردت الشنطه كانه جديدة لما عطيته ياها وقلتله انتظر هاي بقية الفلوس خبيتها عندي وطلعتها من الشنطه كل الفلوس من فئة 500 وعطيته وطلع معاهم مجموعتين مجموعة فلوسي ومجموعه ثانية كنت شاكه انه لصاحبة الشنطه فلوس قليله يمكن 45 درهم فقلتله صبر هاي فلوس ورجعتهم لشنطتي انا اذكر اني خذت فلوسي انا ورجعتها بس ال 45 درهم ماادري لو خذتها ولا لأ وخلص الحلم
في انتظار التفسير بارك الله فيك
