موقع الزواج والكيس وصحن العصيدة

السلام عليكم
انا آنسة 24 سنه آخر كورس تخرج
انا حلمت اني انا وامي وبنات خالتي وكان كانه في حريم زياده ماعرفهم كنا في عزيمة في بيتنا القديم وكانت في حرمة (على اساس انها ام محمد زوج بنت خالتي شيما بس الشكل غير والكلام غير بعد في الواقع ام محمد همدية وفي الحلم امارلتية تتكلم امارتي زين رمسة البدو) كانها كانت تخطبني كانت تكلم اهلي (امي وخالتي وبناتها) وتمدحني وتبغي تزوجني حق ولدها (اخو محمد كانه اصغر مني وتزوج) وبعدها جا محمد واستحيت منه كنت حاطه في بالي انه اخو خطيبي وبعدها جات زوجته بنت خالتي شيما وقعدت تكلمني وتضحك وانا كنت مستحية وابتسم وانا مستغربه وكاني كنت مش موافقه ع الموضوع وبعدها جلست انا عند ام محمد كنت انا ع يسارها ونورة بنت خالتي ع يمينها (ع اساس انه نورة في الحلم جالسة عند ام زوجها بس الواقع ام زوجها من نفس قبيلتنا وشكلها غير واكبر عن الحرمة في الحلم) وبعدها مااعرف شو صار كاني كنت ماسكة شي حاد وكانت ام محمد ماده يدها للامام ماسكه شي مااذكر بس انا جرحتها وصرخت صرخه عقب هدت انا حطيت في بالي انها قوية وعصبيه ومش هينه يعني مب طيبه وع طول نورة بنت عمي مسكت اصبعها وكانت تبكي تنافقها يعني اونها مهتمه فيها انا شفتها سوت جيه تميت اكلم نفسي واقول يانفاقها تجاملها علشان تحبها وكنت خايفة اني اكون جرحتها وايد وكنت احاتي الدم في الاخير ارتحت انه مانزل دم وقلت الحمدلله وبعدها مااذكر و صار بس المكان تغير وكنا في بيت عمي كنت اكلم خالتي اقنعها اني بكلم حمده بشوف شو فيها (لأني بالواقع كنت احاتيها وافكر فيها يمكن علشان جيه حلمت فيها) بعدها قلت انا تعبانه بنام ع الفراش وكانت بنت بنت عمي شيما اسمها دانه سنتين او ثلاث تبكي تبغي تنام وامها ماتخليها وكان جنبي اللاب توب وانا كذبت عليهم ع اساس اني بنام وانا كل همي الكمبيوتر كنت اريد ادخل موقع الزواج واشوف الرسايل بس ماكنت اريدهم يعرفون وبعدها دخلت خالتي قالتلي نامي و وكانها طفت الليت وسكرت الباب وانا انسدحت (نمت رقدت) ع الفراش واتغطيت وبعدها دخلت نورة وتمت تكلمني شوي ع زوجها وطلعت وانا قمت من الفراش وقفلت الباب وانا كنت احاتي وافكر واقول اكيد نورة بتستغرب ليش قفلت الباب كنت حاطه في بالي اقولها علشان اليهال (الاطفال) مايزعجوني وبعدها نمت ع السرير ع جنب وفتحت اللاب توب ع طول فتحتلي صفحة (لون الصفحة اسود وع وردي غامج محمر) موقع الزواج وكانت هناك 5 رسايل بعدها دخلو بنات عمي ال2 شيما ونورة وانا ارتبكت مااعرفت شو اسوي هل اسكر شاشة اللاب توب او اخليها علشان مايشكون وبنت شيما دانه كانت تبكي وانا قلتلها دامي انا بنام هاتيها بنومها جنبي و جات شيما وجلست ع السرير ونومت بنتها ع جهة السرير لما قربت شيما مني سكرت الشاشة خفت انها تشوف الصفحه وتعرف اني فاتحه موقع الزواج لأنها هي ومحمد تزوجوا من نفس الموقع (في الواقع سمعت اشاعه مفادها انهم تزوجوا من موقف تعارف بس مااعرف هل هو للزواج او لآ) وبعدها كاني كنت في الشارع المقابل بيتنا القديم (اتهدم وبنينا بيت فيه وبعناه )وكنت مستغربه وايد لأنه بيت جيرانا رجعوا وكانوا حاطين العاب كهربائية كثيرة جدام وداخل بيتهم حق بنتهم ودخلت كاني المجلس (بس في الواقع لو اني دخلت بيكون يالكراج او غرفة الخدامة او صالة اللعب كانه نقول عنها) ودخلت شفت بنات عمي ال3 شيما ونورة وااسرى وكانوا كانهم يوضبون اغراضهم بيطلعون وجات وحده منهم مااتذكر مين وعطتني صحن حلوى عمانية صفرى عليها لوز شرائح مبشور مغطية الوجه كله واذكر كاني انا شلته اريد احطه في الكيس حطيته ومسك سكينه في الوجه ومسكت السكينه ولحستها مع اللوز عجبتني انها طريه بعدها قالولي لو تبغي عصيده خذيها لج وكانت غريبة (لونها طبقة برتقالي وطبقة وردي ومحشية) بعدها فضى المكان وقالتلي شيما يافلانة كلمي امج كيف بتجلسين لحالج في البيت اخاف عليج قلتلها لا بكلم الهندي (الحارس او الزراع ونفس شكله الواقع) الي في بيت جيرانا علشان يشوف ام البنت وحشوني حيل هي وايد طيبة شفتني الالعاب شقد شارينهم حق بنتهم قالتلي روحي اتاكدي لو موجوده الام ولا لأ وكنت شايله كيس ابيض ناعم ومرتب كبير في العصيده والحلوى واشياء ثانية مااذكرها من بنات عمي وبعدها مااعرف شو صار بس كانه ابوي دخل عليه وشافني الكمبيوتر ومال قالي شي مع اني كنت وايد احاتي في الحلم وبعده مااعرف شو صار بس كانه اختي ومااذكر من معاها يمكن خداماتنا الاندنوسيات ال2 الساحرة (الي معانا من 15سنة الله يرويني فيها عجائب قدرته) ومعاها الثانية عندها من سنة وشوي تقريبا وجات سالت ع العصيده وشلتها وشلت اغراض ثانية واخذت من صحن العصيده الي عطوني ياه بنات عمي كانه ذقت منه مااذكر بعدها ركبنا السيارة وع طول اختي كانت تدور ع صحن العصيده واتهمت السائق (جديد عندنا من شهر تقريبا وهي في الوقع ماتحبه وتبغيه يتسفر) انه اخذه واكله وبعدها انا خفت تظلمه وقلت بشوف في اغراضي في الكيس الأبيض يمكن الاقيه وفهلا لقيته وقلتلها هاذو الصحن عندي وكنت مستغربة انه الصحن كامل وجديد لأني حطيت في بالي اني اكلته وبعدها فتشت في الكيس ولقيت صحني ماكول تقريبا نصه واستغربت كيف صاروا صحنين وشو الي جاب صحن اختي عندي بعدها خفت واكان عندي شيك بملغ من المال والمفروض اني ارجع العصيده علشان يصرفولي الشيك بس انا خفت لأني بعد ماكلتها مستحيل يصرفونه فقلت لأختي انتي انزلي وعطيها الصحن العصيده وبيصرفولج الشيك لأني اكلت من الصحن وانا بعدين بصرف شيكي وبعطيج وكانها نزلت بس انا متاكده وخلص الحلم
في انتظار التفسير بارك الله فيك استاذ عادل

متى كانت الرؤيا؟ هل بدأت تتحسن العلاقة بينك وبين شيماء ونورة؟

هل خطبت سابقاً ورفضت؟

هل أنت تساعدين أختك وكم عمرها؟

متى كانت الرؤيا؟

الرؤيا كانت يوم الثلاثاء

هل بدأت تتحسن العلاقة بينك وبين شيماء ونورة؟

والله لي فترة طويلة ماشفتهم ومافي بينا تواصل ابد في الفترة الحالية

هل خطبت سابقاً ورفضت؟

لا لم اخطب رسمي لكني اعلم انه الكثيرون قد تحدثوا مع والدتي بموضوع الزواج ورفضت من ادون اخباري او الرجوع لي

هل أنت تساعدين أختك وكم عمرها؟

انا اساعدها مع بنتها مساعده عملية وعمرها 26 وهي شخصية قوية وخبيثة تحب المشاكل وسابقا كانت علاقتي بها سيئة جدا فقد حصلت لي الكثير من المصائب بببها والآن انا اسايرها حتى آمن من شرها وللاسف شرها بعده لاحقني

كيف حالتك النفسية هل بدأت بالتحسن؟ هل بدأت تتقربين وتتحببين للناس؟

كيف حالتك النفسية هل بدأت بالتحسن؟

والله حالتي النفسية نفس الشيئ

هل بدأت تتقربين وتتحببين للناس؟


بالنسبة للجامعه الحمدلله كل شي تمام بس البيت مااعتقد من سيئ الى اسوء

جزاك الله خير