السلام وعليكم ورحمة الله وبركاته
يعطيك العافيه استاذ عادل بالبداية ابعتذر لأن راح اكتب 3احلام بهذي الصفحه لأني حلمت فيها بإسبوع واحد
حاولت اتجاهلهم بس ماقدرت
الحلم الأول:
حلمت اني بدورة المياة وانت بكرامه وكنت جالسه وماده رجولي على الأرض ونازل مني قطعتين دم وكان باب دورة المياة مفتوح وكنت مرتاعه (ماأذكر هل كنت ابكي أو لاء) وكانت امي قبالي واقول له يمه شوفي وكان جواتي خوف أن الجنين اللي ببطني طاح (أنا حامل بالواقع) وكانت تقول لي قومي مافيك الا العافيه ان شالله وكانت موجوده اختي معي بالحلم وواحد من اخواني بعد يشهدون الموقف.
الحلم الثاني:
بعده بيومين تقريباً حلمت اني مع زوجي بالسياره ولما تحرك شفت ظهره نقط دم على كل ظهره كأنه فيه حبوب والحبوب مطلعات الدم على ثوبه الأبيض وكنت اقول له كيف تروح الدوام وانت كذا وكان يقول لاء عادي ماراح اقابل احد ابجلس بمكتبي ماراح يبين وانا اقول له خل نرجع للبيت تتغير وكان رافض جداً.
الحلم الثالث:
حلمت ان زوجي على علاقة غير شرعية مع وحده وبالحلم عرفت اسم عائلة البنت والى الان اذكره وكنت اقول له تحبها ويقول لي لا ما احبها اتسلى معها بس كعلاقة عابره وكان بالحلم يحاكين بكل برود وانا كنت مستغربة عليه ردود فعله وفعله هذا لأني اعرف زوجي زين قمت من الحلم وانا متضايقه ..اتذكر الى اليوم اسم العائلة مايقربون لنا لكن نعرفهم مب غريب اللي ماذكره كيف عرفت عن العلاقه
عمري 28
متزوجه وحامل لأول مره
موظفه
لست متدينه انسانه عاديه
اشكرك واعتذر مره اخرى على الإطاله
